Published : 21 Sep 2020 18:11 pm

Updated : 21 Sep 2020 18:11 pm

 

Published : 21 Sep 2020 06:11 PM
Last Updated : 21 Sep 2020 06:11 PM

பிரான்ஸில் தொடர்ந்து கரோனா தொற்று அதிகரிப்பு

france-reports-10-569-new-coronavirus-cases

பிரான்ஸில் புதிதாக 10,569 பேருக்குக் கரோனா தொற்று உறுதிப்படுத்தப்பட்டுள்ளது என்று தெரிவிக்கப்பட்டுள்ளது.

பிரான்ஸ் சுகாதாரத் துறை அமைச்சகம் தரப்பில், “பிரான்ஸில் கடந்த 24 மணி நேரத்தில் புதிதாக 10,569 பேருக்குக் கரோனா தொற்று உறுதிப்படுத்தப்பட்டுள்ளது. இதனைத் தொடர்ந்து பிரான்ஸில் கரோனா பாதிப்பு எண்ணிக்கை 4,53,763 ஆக அதிகரித்துள்ளது.

பிரான்ஸில் கரோனா வைரஸ் தொற்று கடந்த சில நாட்களாக 10,000க்கும் அதிகமாகப் பதிவு செய்யப்பட்டுள்ளது. மேலும், நேற்று மட்டும் புதிதாக 311 பேர் கரோனா வைரஸால் பலியான நிலையில், பலி எண்ணிக்கை 31,585 ஆக அதிகரித்துள்ளது” என்று தெரிவிக்கப்பட்டுள்ளது.

பிரான்ஸில் மார்சேய் மற்றும் லியோன் ஆகிய நகரங்கள் கரோனா தொற்றால் அதிக பாதிப்பைச் சந்தித்துள்ளன. இதனால் அங்கு பள்ளிகள் கடந்த வாரம் மூடப்பட்டன.

ஊரடங்கு காலகட்டத்தில் 4,000 என்ற அளவில் பிரான்ஸில் கரோனா தொற்று ஏற்பட்டது. இந்த நிலையில் சமீபநாட்களாக கரோனா தொற்று மீண்டும் பரவி வருகிறது. இதனைத் தொடர்ந்து பிரான்ஸ் அதிபர் மக்ரோன் கரோனா வைரஸைக் கட்டுப்படுத்த அதிகாரிகளுடன் சமீபத்தில் ஆலோசனை நடத்தினார்.

உலகையே அச்சுறுத்திவரும் கரோனா வைரஸால் இதுவரை உலக அளவில் 3 கோடி பேர் பாதிக்கப்பட்டுள்ளனர். 9 லட்சத்துக்கும் அதிகமானவர்கள் பலியாகி உள்ளனர். கரோனாவுக்குத் தடுப்பு மருந்து கண்டுபிடிக்கும் பணியில் பல்வேறு நிறுவனங்கள் ஈடுபட்டுள்ளன. தடுப்பு மருந்துகளும் பல்வேறு சோதனைக் கட்டங்களில் இருக்கின்றன.

ஆனால், கரோனா பொது முடக்கத்தால் பல நாடுகள் பொருளாதாரச் சீரழிவையும், பாதிப்பையும் தாங்க முடியாமல் கட்டுப்பாடுகளைத் தளர்த்தி, முன்னெச்சரிக்கை நடவடிக்கையுடன் இயல்பு வாழ்க்கைக்கு அனுமதித்து வருகின்றன.


தவறவிடாதீர்!

பிரான்ஸ்கரோனாகரோனா வைரஸ்கரோனா நோய் தொற்றுமக்ரோன்FranceCoronaCorona virus

Sign up to receive our newsletter in your inbox every day!

You May Like

More From This Category

More From this Author