Published : 18 Jul 2020 14:05 pm

Updated : 18 Jul 2020 14:05 pm

 

Published : 18 Jul 2020 02:05 PM
Last Updated : 18 Jul 2020 02:05 PM

ஈரானில் 2.5 கோடி பேர் கரோனாவால் பாதிப்பு: ஹசன் ரவ்ஹானி

rouhani-says-25-million-iranians-infected-with-covid-19
ஹசன் ரவ்ஹானி

ஈரானில் சுமார் 2.5 கோடி மக்கள் கரோனாவால் பாதிக்கப்பட்டுள்ளதாகவும், 3.5 கோடி மக்கள் தொற்றால் பாதிக்கப்படக்கூடிய ஆபத்தில் இருப்பதாகவும் ஹசன் ரவ்ஹானி தெரிவித்துள்ளார்.

இதுகுறித்து ஈரான் அதிபர் ஹசன் ரவ்ஹானி கூறுகையில், “தற்போதைய நிலவரப்படி 2.5 கோடி மக்கள் கரோனாவால் பாதிக்கப்பட்டுள்ளனர். சுமார் 14,000 பேர் பலியாகி உள்ளனர். சுமார் 3.5 கோடி மக்கள் கரோனாவால் பாதிக்கப்படக்கூடிய ஆபத்தில் உள்ளனர்” என்று தெரிவித்துள்ளார்.

80 மில்லியன் மக்கள்தொகை கொண்ட ஈரான், மத்தியக் கிழக்கு நாடுகளில் கரோனா வைரஸால் கடுமையாகப் பாதிக்கப்பட்ட நாடாக உள்ளது.

ஈரானின் புனித நகரமான கூமிலில் பிப்ரவரி மாதத்தில் முதல் கரோனா தொற்று உறுதி செய்யப்பட்டது. அதைத் தொடர்ந்து வட பகுதியில் உள்ள சுற்றுலா நகரமான கிலான் கடுமையான பாதிப்புக்குள்ளானது. தற்போது ஈரானின் எல்லைப் பகுதியில் கரோனா தொற்று அதிகரித்து வருகிறது.

தற்போதைய நிலையில் ஈரான் தலைநகரில் மட்டும் 20 சதவீதம் பேருக்குக் கரோனா தொற்று ஏற்பட்டிருக்கலாம் என்று ஈரான் கரோனா தடுப்புப் பணிக்குழுவின் தலைவர் அலிரேஸா சாலி தெரிவித்திருந்தார்.

ஈரான் தலைநகர் தெஹ்ரானில் 90 லட்சம் பேர் வசிக்கின்றனர். ஊரடங்குத் தளர்த்தப்பட்டதால் மக்கள் புழக்கம் அதிகரித்துள்ள நிலையில், கரோனா பரவல் தொடர்ந்து அதிகரித்து வருகிறது. தொற்று எண்ணிக்கை மேலும் அதிகரித்தால் ஊரடங்குக் கட்டுப்பாடுகள் மீண்டும் கொண்டுவரப்படும் என்றும் எச்சரிக்கப்பட்டுள்ளது.

தவறவிடாதீர்!

ஈரான்கரோனா பாதிப்புஹசன் ரவ்ஹானிகரோனா நோய்த் தொற்றுமத்திய கிழக்கு நாடுகள்One minute newsCoronaCorona virus

Sign up to receive our newsletter in your inbox every day!

You May Like

More From This Category

More From this Author