Published : 01 Jul 2020 14:14 pm

Updated : 01 Jul 2020 14:14 pm

 

Published : 01 Jul 2020 02:14 PM
Last Updated : 01 Jul 2020 02:14 PM

பிரேசிலில் ஒரே நாளில் 33,846 பேர் கரோனாவால் பாதிப்பு

brazil-records-over-33-000-covid-19-cases-in-last-24-hours

பிரேசிலில் கடந்த 24 மணி நேரத்தில் 33,846 பேருக்குக் கரோனா தொற்று உறுதிப்படுத்தப்பட்டுள்ளது.

இதுகுறித்து பிரேசில் சுகாதாரத் துறை அமைச்சகம் தரப்பில், “பிரேசிலில் கடந்த 24 மணி நேரத்தில் 33,846 பேருக்குக் கரோனா தொற்று உறுதிப்படுத்தப்பட்டுள்ளது. ஒரு நாளில் அதிகபட்ச தொற்று பாதிப்பு இதுவாகும். நேற்று பிரேசிலில் 24,052 பேருக்குக் கரோனா தொற்று உறுதிப்படுத்தப்பட்டது.

பிரேசிலில் ஒவ்வொரு நாளும் கரோனா தொற்று அதிகரித்த வண்ணம் உள்ளது. இதுவரை பிரேசிலில் சுமார் 14,02,041 பேருக்குக் கரோனா தொற்று உறுதிப்படுத்தப்பட்டுள்ளது. 59,594 பேர் பலியாகி உள்ளனர். 7,90,000 பேர் குணமடைந்துள்ளனர்” என்று தெரிவிக்கப்பட்டுள்ளது.

உலக அளவில் கரோனா தொற்று மற்றும் இறப்பு எண்ணிக்கையில் அமெரிக்கா முதலிடத்தில் உள்ளது. அமெரிக்காவுக்கு அடுத்து இரண்டாவது இடத்தில் பிரேசில் உள்ளது.

கரோனா விவகாரத்தை பிரேசில் அதிபர் ஜெய்ர் போல்சனோரா சரியாகக் கையாளவில்லை என்று சர்வதேச அளவில் கடுமையான விமர்சனத்துக்கு உள்ளானார்.

சீனாவின் வூஹான் நகரிலிருந்து பரவிய கரோனா வைரஸ் ஐந்து மாதங்களுக்கு மேலாக உலக நாடுகளின் செயல்பாட்டை முடக்கியுள்ளது. கரோனாவுக்கு மருந்து கண்டுபிடிக்கும் முயற்சியில் விஞ்ஞானிகள் தீவிரமாக ஈடுபட்டுள்ளனர்.

மேலும் கரோனாவுக்கு மருந்து கண்டுபிடிக்கும்வரை சமூக இடைவெளி, முகக்கவசம் அணிதல் மட்டுமே தற்போதைக்குத் தீர்வு என்றும் உலக சுகாதார அமைப்பு தெரிவித்துள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

BrazilCoronaCorona virusAmericaCorona worldOne minute newsகரோனாகரோனா வைரஸ்அமெரிக்காஜெய்ர் போல்சினோராகொரானா

Sign up to receive our newsletter in your inbox every day!

You May Like

More From This Category

More From this Author