Published : 24 Jun 2020 19:30 pm

Updated : 24 Jun 2020 19:32 pm

 

Published : 24 Jun 2020 07:30 PM
Last Updated : 24 Jun 2020 07:32 PM

ஈரானில் கரோனா இறப்பு 10,000-ஐ நெருங்குகிறது

iran-s-coronavirus-death-toll-continues-to-resurge

மத்தியக் கிழக்கு நாடுகளில் கரோனாவால் அதிகம் பாதிப்புக்குள்ளான ஈரானில் கரோனா பலி எண்ணிக்கை 10,000-ஐ நெருங்குகிறது.

இதுகுறித்து ஈரான் சுகாதாரத் துறை அதிகாரிகள் தரப்பில், "ஈரானில் கரோனாவால் இதுவரை 2,12,501 பேர் பாதிக்கப்பட்டுள்ளனர். மேலும் கடந்த 24 மணி நேரத்தில் 133 பேர் பலியானதைத் தொடர்ந்து 9,996 பேர் கரோனா தொற்றுக்குப் பலியாகியுள்ளனர். சுமார் 1,72,096 பேர் குணமடைந்துள்ளனர்” என்று தெரிவிக்கப்பட்டுள்ளது.

ஈரானில் கரோனா பாதிப்பு அதிகரித்து வருவதால் அலட்சியம் செய்யாமல் மக்கள் சமூக இடைவெளியைப் பின்பற்ற வேண்டும் என்றும், மசூதிகளில் கூட்டமாகக் கூடுவதைத் தவிர்க்க வேண்டும் என்றும் அரசு கேட்டுக் கொண்டுள்ளது.

மேலும், பொது இடங்களில் மாஸ்க் அணிவதைக் கட்டாயமாக்குவது குறித்து ஆலோசனை நடத்தப்படுவதாக ஈரான் அதிபர் ஹசன் ரவ்ஹானி தெரிவித்துள்ளார்.

ஈரானில் ஐந்தில் ஒருவருக்குக் கரோனா தொற்று இருக்கக்கூடும் என்று அந்நாட்டில் கரோனா தடுப்பு தொடர்பாக உருவாக்கப்பட்ட பணிக்குழு உறுப்பினர் எஹ்சன் மோஸ்டபாவி சமீபத்தில் தெரிவித்திருந்தார்.

ஈரானில் மார்ச் மாதத்தில் கரோனா பரவல் உச்சம் அடைந்தது. அதே காலகட்டத்தில் கடும் பாதிப்பை எதிர்கொண்ட ஸ்பெயின், இத்தாலி ஆகிய நாடுகளில் தொற்று எண்ணிக்கை தற்போது குறைந்துள்ளது. ஆனால், ஈரானில் தொற்று எண்ணிக்கை தொடர்ந்து அதிகரித்து வருகிறது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

ஈரான்கரோனாகரோனா வைரஸ்கரோனா நோய்த் தொற்றுசமூக இடைவெளிமாஸ்க்One minute newsCorona virusCorona worldWorld news

Sign up to receive our newsletter in your inbox every day!

You May Like

More From This Category

More From this Author