Published : 26 May 2020 11:10 am

Updated : 26 May 2020 11:17 am

 

Published : 26 May 2020 11:10 AM
Last Updated : 26 May 2020 11:17 AM

கரோனாவின் புதிய மையமாக உருவாகும் பிரேசில்: 3,74, 898 பேர் பாதிப்பு

brazil-reports-over-11-000-new-covid-19-cases-toll-at-23-473

பிரேசிலில் கடந்த 24 மணி நேரத்தில் 11,000 பேருக்கு கரோனா தொற்று உறுதிப்படுத்தப்பட்டுள்ளது. இதன் மூலம் கரோனா தொற்றின் புதிய மையமாக பிரேசில் உருவாகியுள்ளது. 23,522 பேர் பலியாகியுள்ளனர். பாதிப்பு எண்ணிக்கையில் அமெரிக்காவுக்கு அடுத்த இடத்தில் உள்ளது பிரேசில்

இதுகுறித்து சுகாதாரத் துறை அமைச்சகம் தரப்பில், “ பிரேசிலில் கடந்த 24 மணி நேரத்தில் 11,687 பேருக்கு கரோனா உறுதிப்படுத்தப்பட்டது. இதனைத் தொடர்ந்து பிரேசிலில் கரோனாவால் பாதிக்கப்பட்டவர்கள் எண்ணிக்கை 3,74, 898 பேராக அதிகரித்துள்ளது. மேலும் 807 பேர் நேற்று பலியாகினர். இதன் காரணமாக பிரேசிலில் தற்போது உயிர் பலி 23 ஆயிரத்தை கடந்துள்ளது” என்று தெரிவிக்கப்பட்டுள்ளது.


கரோனா தொற்று எண்ணிக்கையில் உலக அளவில் அமெரிக்கா முதல் இடத்திலும், பிரேசில் இரண்டாம் இடத்திலும் உள்ளன. இந்நிலையில் பிரேசிலில் இருந்து மக்கள் வருவதை அமெரிக்கா தடை செய்துள்ளது.

கரோனா வைரஸ் தொடர்பான நடவடிக்கையில் பிரேசில் அதிபர் ஜெய்ர் போல்சனாரோ அலட்சியமாக நடந்து வருவதாக உலக அளவில் விமர்சனங்கள் எழுந்துள்ளன.

கரோனா நடவடிக்கை தொடர்பாக பிரேசில் அதிபர் போல்சனாரோவுக்கும் அந்நாட்டு சுகாதாரத்துறை நிபுணர்களுக்கும் இடையே தொடர்ச்சியாக கருத்து வேறுபாடு ஏற்பட்டு வருகிறது. கரோனா நடவடிக்கை தொடர்பாக போல்சனாரோவின் கருத்துக்கு மாற்றுக் கருத்து தெரிவித்ததால், சுகாதரத்துறை அமைச்சராகப் பொறுப்பு வகித்து வந்த லூயிஸ் ஹென்ரிக் மாண்டெட்டா கடந்த மாதம் பதவி நீக்கம் செய்யப்பட்டார். அவரைத் தொடர்ந்து புதிதாக நியமிக்கப்பட்ட நெல்சன் டீச்சும்முன் பதவி விலகினார்.

தென் அமெரிக்க நாடான பிரேசிலில் கரோனா தொற்று ஜூன் மாதம் மேலும் அதிகரிக்கும் என்று உலக சுகாதார அமைப்பு எச்சரித்துள்ளது குறிப்பிடத்தக்கது.



தவறவிடாதீர்!

பிரேசில்கரோனா தொற்றுஅமெரிக்காகரோனா வைரஸ்One minute newsCorona worldபிரேசில் அதிபர்Brazil reportsCOVID-19

Sign up to receive our newsletter in your inbox every day!

More From This Category

More From this Author

x