Published : 29 Mar 2020 18:40 pm

Updated : 29 Mar 2020 18:40 pm

 

Published : 29 Mar 2020 06:40 PM
Last Updated : 29 Mar 2020 06:40 PM

கனடா பிரதமரின் மனைவி கரோனா தொற்றிலிருந்து குணமடைந்தார்

justin-trudeau-s-wife-recovers-from-coronavirus

கரோனா வைரஸ் தொற்றிலிருந்து கனடா பிரதமர் ஜஸ்டினின் மனைவி குணமடைந்துவிட்டதாகத் தெரிவிக்கப்பட்டுள்ளது.

கனடாவில் கோவிட்-19 (கரோனா வைரஸ்) காய்ச்சலுக்கு 5,000க்கும் அதிகமானவர்கள் பாதிக்கப்பட்டுள்ளனர். இந்த நிலையில் கோவிட்-19 காய்ச்சல் கனடா பிரதமர் ஜஸ்டின் ட்ரூடோவின் மனைவி சோபியா ட்ரூடோவுக்கு இருப்பது உறுதி செய்யப்பட்டது.

இதனைத் தொடர்ந்து கோவிட்-19 வைரஸ் காய்ச்சல் அச்சுறுத்தலால் அவர் தனிமைப்படுத்தப்பட்டார். தொடர்ந்து அவருக்குச் சிகிச்சை அளிக்கப்பட்டது. இந்த நிலையில் சோபியா ட்ரூடோ கரோனா வைரஸ் தொற்றிலிருந்து குணமடைந்துவிட்டதாகத் தெரிவிக்கப்பட்டுள்ளது.

இதுகுறித்து சோபியா ட்ரூடோ தனது ஃபேஸ்புக் பக்கத்தில், “ நான் முன்பை விட நலமாக இருக்கிறேன். எனக்கு வாழ்த்து கூறிய அனைவருக்கும் என் இதயத்தின் அடியிலிருந்து நன்றி கூறுகிறேன்” என்று பதிவிட்டுள்ளார்.

உலகம் முழுவதும் கோவிட்-19 காய்ச்சலுக்கு சுமார் 6 லட்சத்துக்கும் அதிகமானவர்கள் பாதிக்கப்பட்டுள்ளனர்.

சுமார் 30,000 பேர் பலியாகியுள்ளனர். கோவிட்-19 காய்ச்சலுக்கு ஐரோப்பிய நாடுகளான இத்தாலியும், ஸ்பெயினும் அதிக அளவிலான உயிர் பலியைக் கொடுத்துள்ளன.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

கரோனா வைரஸ்கோவிட் 19கனடா

Sign up to receive our newsletter in your inbox every day!

You May Like

More From This Category

More From this Author