Published : 29 Mar 2020 15:50 pm

Updated : 29 Mar 2020 15:50 pm

 

Published : 29 Mar 2020 03:50 PM
Last Updated : 29 Mar 2020 03:50 PM

மலேசியாவில் கரோனா வைரஸ் பாதிப்பு எண்ணிக்கை 2000 ஆக அதிகரிப்பு

malaysia-reported-150-new-coronavirus-cases-on-sunday

மலேசியாவில் கரோனா வைரஸுக்கு புதிதாக 150 பேர் பாதிக்கப்பட்டிருப்பது உறுதி செய்யப்பட்டுள்ளது.

இதுகுறித்து மலேசியாவின் சுகாதாரத் துறை அமைச்சகம் தரப்பில், “மலேசியாவில் கோவிட்-19 (கரோனா வைரஸ்) காய்ச்சல்
புதிதாக 150 பேருக்கு இருப்பது உறுதி செய்யப்பட்டுள்ளது. இதனைத் தொடர்ந்து மலேசியாவில் கோவிட்-19 காய்ச்சலால் பாதிக்கப்பட்டவர்களின் எண்ணிக்கை 2,000 ஆக அதிகரித்துள்ளது. பலியானவர்களின் எண்ணிக்கை 34 ஆக அதிகரித்துள்ளது. இதுவரை 388 பேர் கோவிட்-19 காய்ச்சலிலிருந்து குணமடைந்துள்ளனர்” என்று தெரிவிக்கப்பட்டுள்ளது.

சீனாவின் ஹூபெய் மாகாணம் வூஹான் நகரில் உருவான கோவிட்-19 வைரஸ், 150-க்கும் மேற்பட்ட நாடுகளுக்குப் பரவியுள்ளது. சீனாவுக்கு அடுத்தபடியாக இத்தாலி, ஈரான், ஸ்பெயின், பிரான்ஸ், ஜெர்மனி, அமெரிக்கா, ஸ்விட்சர்லாந்து ஆகிய நாடுகளில் கோவிட்-19 பாதிப்பு அதிகமான பாதிப்பை ஏற்படுத்தியுள்ளது.

உலகம் முழுவதும் கோவிட்-19 காய்ச்சலுக்கு சுமார் 6 லட்சத்துக்கும் அதிகமானவர்கள் பாதிக்கப்பட்டுள்ளனர். சுமார் 30,000 பேர் பலியாகியுள்ளனர். கோவிட்-19 காய்ச்சலுக்கு ஐரோப்பிய நாடுகளான இத்தாலியும், ஸ்பெயினும் அதிக அளவிலான உயிர் பலியைக் கொடுத்துள்ளன.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

மலேசியாவைரஸ் பாதிப்புகோவிட்கோவிட் 19கரோனா வைரஸ்சீனாCoronavirus

Sign up to receive our newsletter in your inbox every day!

You May Like

More From This Category

More From this Author