Published : 24 Jan 2020 16:13 pm

Updated : 24 Jan 2020 16:13 pm

 

Published : 24 Jan 2020 04:13 PM
Last Updated : 24 Jan 2020 04:13 PM

கரோனா வைரஸ் பாதிப்பு பகுதியிலிருந்து வந்தவர்கள் இரு வாரங்கள் வீட்டிலேயே தங்குங்கள்: பெய்ஜிங் அரசு கோரிக்கை

beijing-city-government-has-urged-residents-returning-from-coronavirus-outbreak-areas-to-stay-at-home

கரோனா வைரஸ் பாதிப்புப் பகுதியிலிருந்து வந்துள்ளவர்கள் வீட்டிலேயே இரு வாரங்கள் தங்க வேண்டும் என்று பெய்ஜிங் அரசு வலியுறுத்தியுள்ளது.

சீனாவின் ஹுபெய் மாகாணத்தின் தலைநகரான வூஹானில் கடந்த சில நாட்களுக்கு முன்பு மர்மக் காய்ச்சல் காரணமாக இருவர் உயிரிழந்தனர். இது தொடர்பாக ஆய்வு மேற்கொண்டபோது, அவர்களுக்கு ‘கரோனா' வைரஸ் பாதிப்பு இருந்தது தெரியவந்தது.


தற்போது, கரோனா வைரஸ் சீனாவில் பெரும் அச்சுறுத்தலை ஏற்படுத்தி இருக்கிறது. இதுவரை இவ்வரைஸுக்கு சீனாவில் 25 பேர் பலியாகியுள்ளனர். சுமார் 835 பேருக்கு வைரஸ் தாக்குதல் இருப்பது உறுதிப்படுத்தப்பட்டுள்ளது.

கரோனா வைரஸ் அச்சுறுத்தல் காரணமாக சீனா முழுவதும் பல்வேறு பாதுகாப்பு நடவடிக்கைகள் மேற்கொள்ளப்பட்டு வருகின்றன. மேலும், நோய் பரவலைத் தடுக்க சீனாவில் 10 நகரங்களில் போக்குவரத்து தடை செய்யப்பட்டுள்ளது. கோயில்கள் போன்ற பொது இடங்கள் மூடப்பட்டுள்ளன.

இந்நிலையில் நோய் பரவலைத் தடுக்க கரோனா வைரஸ் பாதிப்புப் பகுதியிலிருந்து வந்தடைந்த மக்கள், தங்கள் வீட்டிலேயே 14 நாட்கள் தங்குமாறு பெய்ஜிங் அரசு வலியுறுத்தியுள்ளது.

சீனா மட்டுமல்லாமல் தென்கொரியா, தாய்லாந்து, ஜப்பான், அமெரிக்கா ஆகிய நாடுகளிலும் கரோனா வைரஸ் பரவியுள்ளது குறிப்பிடத்தக்கது.

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை



பெய்ஜிங்கரோனா வைரஸ்சீனாபாதிப்புபோக்குவரத்து தடைஜெய்ஜிங் அரசுதாய்லாந்துஅமெரிக்காஜப்பான்

Sign up to receive our newsletter in your inbox every day!

You May Like

More From This Category

More From this Author