Published : 26 Nov 2019 18:49 pm

Updated : 26 Nov 2019 18:49 pm

 

Published : 26 Nov 2019 06:49 PM
Last Updated : 26 Nov 2019 06:49 PM

அமெரிக்காவுக்கு ஈரான் எச்சரிக்கை

iran-guard-chief-warns-us-and-allies
ஈரான் அதிபர் ஹசன் (இடது) , அமெரிக்க அதிபர் ட்ரம்ப் (வலது)

எங்கள் நாட்டின் எல்லையை மீறினால் அமெரிக்கா மற்றும் அதன் கூட்டாளிகள் அழிக்கப்படுவார்கள் என்று ஈரான் மிரட்டல் விடுத்துள்ளது.

ஈரான் புரட்சிப் படையின் தளபதி அமெரிக்காவுக்கு இந்த எச்சரிக்கையை விடுத்துள்ளார்.

இதுகுறித்து அரசுக்கு ஆதரவானபேரணியில் ஈரான் புரட்சிப் படையின் தளபதி ஹுசைன் பேசும்போது, “அமெரிக்கா, இங்கிலாந்து, இஸ்ரேல், சவுதி அரேபியா ஆகியவை எங்கள் பிராந்தியத்தில் அமைதியின்மையைத் தூண்டுகின்றன. இதன் காரணமாக ஈரான் பாதுகாப்புப் படையினர் கொல்லப்படுகின்றனர்.

அமெரிக்கா மற்றும் சவுதியின் விரோத நடவடிக்கைகளுக்கு ஈரான் பொறுமையைக் கடைப்பிடித்தது. ஆனால் எல்லையை அவர்கள் மீற நினைத்தால் நிச்சயம் அழிக்கப்படுவார்கள்” என்று எச்சரித்தார்.

ஈரான் - அமெரிக்கா மோதல்

முன்னதாக, அமெரிக்கா உள்ளிட்ட 6 வளர்ந்த நாடுகளுக்கும் ஈரானுக்கும் இடையே கடந்த 2015-ல் அணுசக்தி ஒப்பந்தம் கையெழுத்தானது. இதன்படி ஆக்கபூர்வ தேவைகளுக்கு யுரேனியம் செறிவூட்ட ஈரானுக்கு அனுமதி வழங்கப்பட்டது. எனினும் அந்நாடு எவ்வளவு யுரேனியம் இருப்பு வைத்துக் கொள்ளலாம், எந்த அளவுக்கு அதைச் செறிவூட்டலாம் என்ற வரம்பு விதிக்கப்பட்டது.

அமெரிக்க அதிபராக டொனால்டு ட்ரம்ப் பதவியேற்ற பிறகு இந்த ஒப்பந்தத்தில் குறைபாடுகள் உள்ளதாகக் கூறி அதிலிருந்து விலகினார். மேலும் ஈரான் மீது மீண்டும் பொருளாதாரத் தடைகளை விதித்து வருகிறார். இதற்குப் பதிலடியாக ஈரான் அணுசக்தி ஒப்பந்த விதிகளை அடுத்தடுத்து மீறி வருகிறது.

இதனால் அமெரிக்கா ஈரான் இடையே மோதல் போக்கு நீடித்து வருகிறது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

ஈரான்அமெரிக்காசவுதிஈரான் எச்சரிக்கைட்ரம்ப்ஹசன் ரவ்ஹானி

Sign up to receive our newsletter in your inbox every day!

You May Like

More From This Category

More From this Author