Published : 19 Nov 2019 18:32 pm

Updated : 19 Nov 2019 18:33 pm

 

Published : 19 Nov 2019 06:32 PM
Last Updated : 19 Nov 2019 06:33 PM

3 மாதங்களுக்குப் பிறகு தொடங்கிய தபால் சேவை: 7 கடிதங்களை இந்தியாவிடம் வழங்கிய பாகிஸ்தான்

pakistan-post-to-deliver-7-letters-to-indian-postal-officials-today

3 மாதங்களாக நிறுத்தி வைத்திருந்த இந்தியாவுடனான தபால் சேவையை பாகிஸ்தான் மீண்டும் தொடங்கியுள்ளது. இதைத் தொடர்ந்து இன்று இந்திய தபால் அதிகாரிகளிடம் 7 கடிதங்கள் ஒப்படைக்கப்பட்டுள்ளன.

ஜம்மு காஷ்மீர் மாநிலத்துக்கான சிறப்பு அந்தஸ்தை நீக்கி, 370-வது பிரிவை மத்திய அரசு கடந்த ஆகஸ்ட் மாதம் திரும்பப் பெற்றது. மேலும் ஜம்மு காஷ்மீர் மாநிலத்தையும் 2 யூனியன் பிரதேசங்களாகப் பிரித்து மத்திய அரசு அறிவித்தது.

காஷ்மீர் விவகாரத்தில் இந்தியாவின் நடவடிக்கையால் கோபம் அடைந்த பாகிஸ்தான் இந்தியாவுடனான பேருந்து சேவை, வர்த்தக சேவை மற்றும் தபால் சேவையை நிறுத்தியது.

இந்நிலையில் மூன்று மாதங்களுக்குப் பிறகு இந்தியா - பாகிஸ்தான் இடையே மீண்டும் தபால் சேவை தொடங்கப்பட்டுள்ளதாக பாகிஸ்தான் ஊடங்கள் செய்தி வெளியிட்டன. இந்நிலையில் இன்று (செவ்வாய்க்கிழமை) 7 கடிதங்களை இந்திய தபால் அதிகாரிகளிடம் பாகிஸ்தான் ஒப்படைத்துள்ளது.

இந்தியாவுடனான தபால் சேவைகள் மீண்டும் தொடங்கியுள்ள நிலையில், பார்சல் சேவைகள் இன்னும் நிறுத்தி வைக்கப்பட்டுள்ளதாக பாகிஸ்தான் ஊடகங்கள் செய்தி வெளியிட்டுள்ளன.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

இந்தியாபாகிஸ்தான்தபால்கடிதம்ஜம்மு காஷ்மீர்மத்திய அரசு

Sign up to receive our newsletter in your inbox every day!

You May Like

More From This Category

More From this Author