Published : 04 May 2015 15:23 pm

Updated : 04 May 2015 15:23 pm

 

Published : 04 May 2015 03:23 PM
Last Updated : 04 May 2015 03:23 PM

நபிகள் குறித்த கார்ட்டூன் போட்டியால் சர்ச்சை: யு.எஸ். அருங்காட்சியக துப்பாக்கிச் சூட்டில் 2 பேர் பலி

2

அமெரிக்காவில் முகமது நபி குறித்து கார்ட்டூன் போட்டி நடத்திய அருங்காட்சியகத்தின் பாதுகாப்பு வீரர்கள் மீது துப்பாக்கிச் சூடு நடத்தப்பட்டது. தொடர் சண்டையில் இரண்டு மர்ம நபர்கள் போலீஸாரால் சுட்டு கொல்லப்பட்டனர்.

அமெரிக்காவின் டல்லாஸ் அருகே இருக்கும் கார்லேண்ட் நகரில் "கர்டிஸ் கல்வெல் சென்டர்" என்ற அரங்கில், முகமது நபி குறித்து கார்ட்டூன் வரையும் போட்டி ஞாயிற்றுகிழமை நடத்தப்பட்டது.

இந்த போட்டியில் வெற்றி பெறுபவருக்கு கார்ட்டூனுக்கு 10,000 டாலர் பரிசளிப்பதாக அமெரிக்க சுதந்திரப் பாதுகாப்பு முன்முயற்சி மையம் அறிவித்திருந்தது.

இந்த நிலையில் போட்டி நடந்த அரங்குக்கு வெளியே ஞாயிறு இரவு உள்ளூர் நேரப்படி 7 மணி அளவில், காரில் வந்த இருவர், சரமாரியாக அங்கு நின்றுகொண்டிருந்த பாதுகாவலர்களை துப்பாக்கியால் சுட்டனர். இதில் ஒரு பாதுகாவலர் படுகாயமடைந்தார். போலீஸார் நடத்திய பதிலடித் தாக்குதலில் அவர்கள் இருவரும் கொல்லப்பட்டனர்.

துப்பாக்கிச் சூடு குறித்து விசாரணை நடத்த உத்தரவிடப்பட்டுள்ளது. துப்பாக்கிச் சூடு நடத்திய நபர்கள் குறித்த விவரம் இன்னும் வெளியிடப்படவில்லை.

இஸ்லாமிய மதத்தின்படி, நபிகளுக்கு உருவம் கொடுப்பது மற்றும் உருவப்படுத்துவது தண்டனைக்குரிய குற்றமாக கருதப்படுகிறது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

நபிகள்கார்டூன் போட்டிஅமெரிக்காஅருங்காட்சியகம்துப்பாக்கிச்சூடுGunmenProphet cartoon contestUSKilled

Sign up to receive our newsletter in your inbox every day!

You May Like

More From This Category

More From this Author