உலகின் மிக அழகான பெண்ணாக 50 வயதாகும் ஹாலிவுட் நடிகை சாண்ட்ரா புல்லக் தேர்வு செய்யப்பட்டுள்ளார்.
அமெரிக்காவில் இருந்து வெளியாகும் பிரபல வார இதழான பீப்பிள், சாண்ட்ராவை 2015-ம் ஆண்டின், உலகின் மிக அழகிய பெண்ணாக தேர்ந்தெடுத்துள்ளது. சாண்ட்ரா புல்லக்கின் படத்தை அட்டையிலும் பதிப்பித்து செய்தி வெளியிட்டுள்ளது.
1987-ம் ஆண்டு ஹேங்மேன் படத்தின் மூலம் ஹாலிவுட்டில் தடம் பதித்த சாண்ட்ரா புல்லக், ஸ்பீடு, தி ஹீட், கிராவிட்டி உள்ளிட்ட பல்வேறு திரைப்படங்களில் நடித்துள்ளார்.
இப்போதும் நடிப்பை தொடர்ந்து வருகிறார். 2010-ம் ஆண்டில் தி பிளைண்ட் சைடு படத்தில் நடித்ததன் மூலம் சிறந்த நடிகைக்கான ஆஸ்கர் விருதை வென்றார்.
தன்னை மிக அழகான பெண் என பத்திரிகை தேர்வு செய்துள்ளது குறித்துப் பேசிய அவர், “இது சற்று கேலிக்குரிய விஷயமாகவும் தோன்றுகிறது.
உண்மையான அழகு அமைதியாக இருக்கும். அழகாக இருக்க முயற்சி செய்யாதவர்களே எனக்கு மிக அழகாகத் தெரிகிறார்கள்” என்றார். சாண்ட்ராவுக்கு 5 வயதில் மகன் உள்ளார்.