Published : 24 Aug 2017 13:25 pm

Updated : 24 Aug 2017 13:27 pm

 

Published : 24 Aug 2017 01:25 PM
Last Updated : 24 Aug 2017 01:27 PM

தீவிரவாதத்துக்கு எதிரான எங்களது பங்களிப்பை ட்ரம்ப் அவமதித்துவிட்டார்: பாகிஸ்தான்

தீவிரவாதத்துக்கு எதிரான எங்களது பங்களிப்பை அமெரிக்க அதிபர் ட்ரம்ப் அவமதித்துவிட்டதாக பாகிஸ்தான் தெரிவித்துள்ளது.

தீவிரவாதத்தின் புகலிடமாக பாகிஸ்தான் விளங்குகிறது என்ற ட்ரம்பின் கருத்தை பாகிஸ்தான் மறுத்ததுடன் தீவிரவாதத்துக்கு எதிரான பாகிஸ்தானின் பங்களிப்பை ட்ரம்ப் அவமதித்துவிட்டார் என்று கூறியுள்ளது.

இதுகுறித்து பாகிஸ்தான் வெளியுறவு அமைச்சர் கவாஜா ஆசிஃப் தொலைக்காட்சி நிகழ்ச்சி ஒன்றில் பேசும்போது, “ட்ரம்பின் கருத்தை நிச்சயமாக ஏற்றுக் கொள்ள முடியாது. தீவிரவாதத்துக்கு எதிரான பாகிஸ்தானின் பங்களிப்பை அமெரிக்க அதிபர் ட்ரம்ப் அவமதித்துவிட்டார்” என்றார்.

ட்ரம்பின் பேச்சு தொடர்பாக பாகிஸ்தான் வெளியிட்ட அறிக்கையில், “தீவிரவாதிகளை எதிர் கொள்ள பாகிஸ்தான் செய்தது போல எந்த நாடும் செய்தது இல்லை. அதே போன்று உலகில் எந்த நாடும் பாகிஸ்தானை போன்று பயங்கரவாதத்தால் பாதிக்கப்பட்டது இல்லை. தீவிரவாதத்தை எதிர்க்க பாகிஸ்தான் செய்த தியாகங்களை அமெரிக்கா அவமதிப்பு செய்துவிட்டது.

எனினும் பாகிஸ்தான் அமெரிக்காவுடன் இணைந்து தீவிரவாதத்துக்கு எதிராக தொடர்ந்து சண்டையிடும். தீவிரவாதம் உலகில் உள்ள அனைத்து நாடுகளுக்கும் உள்ள பொதுவான அச்சுறுத்தல். தீவிரவாதத்தை அழிக்க அமெரிக்கா பாகிஸ்தானுடன் இணைந்து பணியாற்ற வேண்டும்” என்று தெரிவிக்கப்பட்டுள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

Sign up to receive our newsletter in your inbox every day!

You May Like

More From This Category

More From this Author