Published : 25 Nov 2014 11:53 am

Updated : 25 Nov 2014 12:29 pm

 

Published : 25 Nov 2014 11:53 AM
Last Updated : 25 Nov 2014 12:29 PM

ஹிலாரி மிகச் சிறந்த அதிபராக வாய்ப்பு: பராக் ஒபாமா கருத்து

அமெரிக்க அதிபர் தேர்தலில் ஹிலாரி கிளிண்டன் போட்டியிட்டால் அவர் நாட்டின் மிகச் சிறந்த அதிபர்களில் ஒருவராக உருவெடுப்பார் என்று அமெரிக்க அதிபர் ஒபாமா கூறியுள்ளார்.

அமெரிக்க அதிபர் தேர்தலுக்கு இன்னும் சுமார் இரண்டு ஆண்டுகள் உள்ளன. ஒபாமா இப்போது இரண்டாவது முறையாக அதிபர் பதவியில் இருப்பதால், அவரால் இனி அதிபர் பதவிக்கு போட்டியிட முடியாது. இந்நிலையில் அவரது ஜனநாயக கட்சி சார்பில் முன்னாள் வெளியுறவு அமைச்சர் ஹிலாரி கிளிண்டன் போட்டியிடலாம் என்று தெரிகிறது.

முன்பு அமெரிக்க அதிபர் தேர்தல் போட்டியிட நடைபெற்ற உள்கட்சி தேர்தலில் ஒபாமாவிடம் ஹிலாரி தோல்வியடைந்ததால் தான் அத் தேர்தலில் அவர் போட்டியிட முடியாமல் போனது. இந்நிலையில் அமெரிக்க தேசிய தொலைக்காட்சிக்கு பேட்டியளித்த ஒபாமா மேலும் கூறியது:

ஜனநாயகக் கட்சியில் அதிபர் பதவிக்கு பொருத்தமான பலர் உள்ளனர். எனினும் அவர்களில் ஹிலாரி கிளிண்டன் மீண்டும் அதிபர் பதவிக்கு போட்டியிட்டால் சிறப்பாக இருக்கும். அவர் அமெரிக்காவின் மிகச் சிறந்த அதிபர்களில் ஒருவராக இருப்பார். அமெரிக்க ஜனநாயக அரசியலில் ஹிலாரி பல ஆண்டுகளாக வலுவான சக்தியாக உள்ளார்.

எனினும் ஹிலாரி பல விஷயங்களில் என்னிடம் இருந்து மாறுபட்ட கருத்தை கொண்டவர். ஜனநாயக கட்சி சார்பில் அமெரிக்க அதிபர் தேர்தல் வேட்பாளர்கள் போட்டியில் நாங்கள் இருவரும் இருந்தபோது எங்கள் கொள்கைகள், செயல்திட்டங்களில் உறுதியாக இருந்தோம் என்று ஒபாமா கூறியுள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

அமெரிக்க அதிபர்அதிபர் தேர்தல்ஹிலாரி கிளிண்டன்ஒபாமா

Sign up to receive our newsletter in your inbox every day!

You May Like

More From This Category

More From this Author