Published : 05 Jul 2016 10:35 am

Updated : 14 Jun 2017 14:13 pm

 

Published : 05 Jul 2016 10:35 AM
Last Updated : 14 Jun 2017 02:13 PM

உலக மசாலா: தாயும் நானே, தந்தையும் நானே!

பிரிட்டனைச் சேர்ந்த இயான் முக்லெஜான், 2001ம் ஆண்டு வாடகைத் தாய் மூலம் 3 குழந்தைகளைப் பெற்றுக்கொண்டார். மூவரையும் தன்னந்தனியாகவே 15 ஆண்டுகளாக வளர்த்து வருகிறார். ‘’எனக்குத் திருமணத்தில் விருப்பம் இல்லை. ஆனால் குழந்தைகள் மீது ஆர்வம். முட்டை நன்கொடையாளரைத் தேடினேன். புத்திசாலியான 27 வயது மெலிஸா வல்டோவின்ஸ், முட்டைகளைத் தரச் சம்மதித்தார். முட்டைகளுடன் விந்துகள் சேர்க்கப்பட்டன. வாடகைத் தாய் டினா பிரைஸ் வயிற்றில் 3 கருக்கள் உருவாகின. நான் ஒரு குழந்தைதான் எதிர்பார்த்தேன்.

ஆனால் எதிர்பாராத விதமாக 3 குழந்தைகள் கிடைத்ததில் மகிழ்ச்சிக்கு அளவே இல்லை. ஒரே நேரத்தில் பிறந்த 3 குழந்தைகளைச் சமாளிப்பது மிகப் பெரிய கஷ்டம் என்பதை அனுபவத்தில் உணர்ந்தேன். குழந்தைகளைப் பார்த்துக்கொள்ள ஒரு பெண்ணை வேலைக்கு வைத்துக்கொள்ளச் சொன்னார்கள். ஒரு பெண் துணை இன்றி, ஆணால் குழந்தைகளை வளர்க்க முடியும் என்று நிரூபிப்பதே என் எண்ணம். எவ்வளவு கஷ்டப் பட்டேனோ, அதைவிட அதிகமாகக் குழந்தைகளால் மகிழ்ச்சியை அனுபவித்தேன். லார்ஸ், பியர்ஸ், இயான் மூவரும் 15 வயதை எட்டிவிட்டனர். பிரிட்டனில் குழந்தை இல்லாத தம்பதியர், வாடகைத் தாய் மூலம் குழந்தை பெற்றுக்கொண்டிருக்கிறார்கள். ஆனால் தனி மனிதனாக வாடகைத் தாய் மூலம் குழந்தைகளைப் பெற்றுக்கொண்ட முதல் பிரிட்டன் மனிதர் நான்தான்!’’ என்கிறார் இயான்.

தாயும் நானே, தந்தையும் நானே!

நாரிபோன் என்பது புத்தப் புராணங்களில் வரக்கூடிய ஒரு மரம். இந்த மரத்தின் பழங்கள் இளம் பெண்ணைப் போன்ற தோற்றத்தில் இருக்கும். இந்திரன் தன் மனைவி மற்றும் 2 குழந்தைகளுடன் ஹிமாபன் என்ற புராணக் காட்டில் வசித்து வந்தார். இந்திரனின் மனைவி உணவுக்காகப் பழங்களைச் சேகரிக்கச் சென்றபோது, ஆண் துறவியால் தாக்கப்பட்டார். துறவிகள் தங்கள் தவ வலிமையால் எத்தனையோ சக்திகளைப் பெற்றும் காமத்தை வெல்ல முடியவில்லை. அதனால் இந்திரன் 12 மரங்களை உருவாக்கினார். அதில் உருவான பழங்கள் அனைத்தும் அழகிய இளம் பெண்ணைப் போலவே இருந்தன. துறவிகள் பழங்களால் ஈர்க்கப்பட்டால், தன் மனைவியைத் துன்புறுத்தமாட்டார்கள் என்று நினைத்தார்.

பெண் வடிவில் உள்ள பழங்களை ஆசையுடன் பறித்துச் சென்ற துறவிகள், 4 மாதங்களில் தங்கள் தவ வலிமையை இழந்தனர் என்கிறது தாய்லாந்து புராணம். இன்றுவரை தாய்லாந்து ஓவியங்கள், கதைகள், திரைப்படங்களில் இந்த நாரிபோன் மரம் இடம் பெற்று வருகிறது. பாங்காக் அருகில் இருக்கும் ஒரு புத்தர் ஆலயத்தில் 2 நாரிபோன் மரங்கள் இருப்பதாகச் சொல்கிறார் கள். ஆனால் அதை நம்புவதற்குத்தான் ஆட்கள் இல்லை.

நம்ப முடியவில்லை...

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

உலக மசாலாதாயும் நானேதந்தையும் நானே

Sign up to receive our newsletter in your inbox every day!

You May Like

More From This Category

More From this Author