அமெரிக்காவில் துப்பாக்கிச் சூடு 6 தொழிலாளர் பலி

அமெரிக்காவின் புளோரிடா மாகாணம் ஆர்லாண்டாவின் நார்த் பார்சித் சாலையில் பல்வேறு ஆலைகள் செயல்படுகின்றன. அங்குள்ள ஓர் ஆலையில் நேற்று தொழிலாளர்களுக்கு மத்தியில் சண்டை ஏற்பட்டது. இதில் இருதரப்பினர் துப்பாக்கியால் சுட்டதில் 6 தொழிலாளர்கள் உயிரிழந்தனர்.

இதுகுறித்து போலீஸ் தரப்பில் கூறியதாவது:

எதற்காக சண்டை நடைபெற்றது, யார், யார் துப்பாக்கியால் சுட்டார்கள் என்பது தெரியவில்லை. மொத்தம் 6 பேர் உயிரிழந்துள்ளனர். சிலர் காயமடைந்துள்ளனர். இந்த சம்பவத்துக்கும் தீவிரவாதத்துக்கும் தொடர்பில்லை. சண்டைக்கான உண்மையான காரணம் குறித்து தீவிர விசாரணை நடத்தி வருகிறோம்.

இவ்வாறு போலீஸார் தெரிவித்தனர்.