எகிப்தில் தற்கொலைப் படை தாக்குதல்: ஐஎஸ் பொறுப்பேற்பு

எகிப்தின் வடக்குப் பகுதியில் நடத்த தீவிரவாதத் தாக்குதலில் 7 போலீஸார் பலியாகினர்.பலர் காயமடைந்தனர்.

இதுகுறித்து எகிப்து அதிகாரிகள் தரப்பில், ”எகிப்தின் வடக்குப் பகுதியில் உள்ள சினைய்  பகுதியில் 3 சோதனை சாவடியில் தீவிரவாதிகள் நடத்திய தாக்குதலில் ஒரு போலீஸ் உயர் அதிகாரி  உட்பட 7 போலீஸார் கொல்லப்பட்டனர்.

பலர் காயமடைந்து மருத்துவமனையில் அனுமதிக்கப்பட்டனர்” என்று தெரிவித்துள்ளனர்.

இந்தத் தாக்குதலுக்கு ஐஎஸ் அமைப்பு பொறுப்பேற்றுக் கொண்டுள்ளது.

எகிப்தில் சமீப ஆண்டுகளாக வடக்கு சினாய் தீபகற்பகத்தை மையமாகக் கொண்டு ஐஎஸ்ஐஎஸ் தீவிரவாதிகள் சண்டையிட்டு வருகின்றனர் என்பது குறிப்பிடத்தக்கது.