Published : 29 May 2019 13:57 pm

Updated : 29 May 2019 18:25 pm

 

Published : 29 May 2019 01:57 PM
Last Updated : 29 May 2019 06:25 PM

ரோஹிங்கியா முஸ்லிம்கள் விவகாரம்: புலிட்சர் விருது பெற்ற மியான்மர் பத்திரிகையாளர்கள்

மியான்மரில் ரோஹிங்கியா முஸ்லிம்கள் மீது நடத்தப்பட்ட அத்துமீறல் நடவடிக்கைகளில் அந்நாட்டு ராணுவத்தின் பங்கு குறித்து செய்தி வெளியிட்டதால் சிறைத் தண்டனை பெற்ற இரு பத்திரிகையாளர்ளும் புலிட்சர் விருது வழங்கப்பட்டுள்ளது.

மியான்மரின் ராக்கைன் மாகாணத்தில் முஸ்லிம்கள் அதிக அளவில் வசிக்கின்றனர். நீண்டகாலமாக வசித்து வரும் இவர்களுக்கு குடியுரிமை வழங்க அந்நாட்டு அரசு மறுத்து வருகிறது. அங்கு முஸ்லிம்களுக்கும் புத்த மதத்தினருக்கும் இடையே அடிக்கடி மோதல் ஏற்பட்டு வருகிறது.


இந்த மோதல் 2017 ஆம் ஆண்டு ஆகஸ்ட் மாதம் உச்சகட்டத்தை எட்டியது. முஸ்லிம்கள் மீது கொடூரத் தாக்குதல் நடத்தப்பட்டதுடன், அவர்களது வீடுகள் தீயிட்டுக் கொளுத்தப்பட்டன. பெண்களுக்கு எதிரான பாலியல் துன்புறுத்தல்களும் நடந்தப்பட்டன. இதில் அந்நாட்டு ராணுவமும் முஸ்லிம்களுக்கு எதிராகத் தாக்குதலில் ஈடுபட்டது.

இதில், ரோஹிங்கிய முஸ்லிம்களுக்கு எதிராக மியான்மரில் நடந்த தாக்குதலையும், அதில் அந்நாட்டு ராணுவத்தின் பங்கு இருந்ததையும் வெளிக்கொண்டு வந்த ராய்ட்டர்ஸ் நிறுவனத்தின் இரு பத்திரிகையாளர்களான வோ லோன் (32) மற்றும் யாவ் சோ ஓ (28) ஆகிய இருவருக்கும் மியான்மர் நீதிமன்றம் 7 ஆண்டு சிறை தண்டனை விதித்ததுள்ளது.

பத்திரிகையாளர்களுக்கு வழங்கப்பட்டுள்ள இந்த சிறை தண்டணையை ரத்து செய்யக் கோரி அவர்களின் குடும்பத்தினர் மற்றும் மியான்மரின் சமூக ஆர்வலர்கள் பலரும் வலியுறுத்தி வந்த நிலையில் 500 நாட்களுக்கு பிறகு சிறையில் இருந்த இரு பத்திரிகையாளர்களும் தற்போது விடுதலை செய்யப்பட்டுள்ளனர்.

இந்த நிலையில் ராய்ட்டர்ஸ் செய்தி நிறுவனத்தின் இரு பத்திரிகையாளர்கள் வோ லோன், யாவ் சோ ஓ ஆகியோர் செவ்வாய்க்கிழமை சர்வதேச அளவில் செய்தி சேகரித்தல் பிரிவில் புலிட்சர் விருதை பெற்றனர்.

பத்திரிகை, இசை, நாடகம் உள்ளிட்ட துறைகளில் சிறப்பான பங்களிப்பைத் தருபவர்களை கவுரவிக்கும் பொருட்டு தொடங்கப்பட்டது புலிட்சர் விருது.


தவறவிடாதீர்!

    மியான்மர்புலிட்சர்ரோஹிங்கியா முஸ்லிம்கள்

    Sign up to receive our newsletter in your inbox every day!

    More From This Category

    More From this Author

    x