அமெரிக்கா - சீனா வரி தொடர்பான பேச்சு தடைபட்ட நிலையில் ஜி ஜின்பிங், ட்ரம்ப் தொலைபேசியில் ஆலோசனை

வாஷிங்டன்: அமெரிக்கா - சீனா இடையே வரி தொடர்​பான பேச்சு தடைபட்​டிருந்த நிலை​யில், சீன அதிபர் ஜி ஜின்​பிங்​குடன், அமெரிக்க அதிபர் ட்ரம்ப் நேற்று தொலை பேசி​யில் பேசி​னார்.

அமெரிக்க அதிப​ராக ட்ரம்ப் பதவி​யேற்​றபின், அமெரிக்கா​வுடன் வர்த்​தகம் செய்​யும் நாடு​கள் வரி​வி​திப்​பில் நியாய​மாக இல்லை என குற்​றம்சாட்​டி​னார். அமெரிக்க பொருட்​களுக்கு பல நாடு​கள் அதிக வரி விதிப்​ப​தாக குற்​றம் சாட்​டிய அதிபர் ட்ரம்ப் பரஸ்பர வரி விதிக்​கப்​போவ​தாக கூறி​னார். சீனப் பொருட்​களுக்​கான வரியை அவர் 145 சதவீத​மாக உயர்த்​தி​னார். இதனால் சீனா​வும் அமெரிக்க பொருட்​களுக்​கான வரியை 125 சதவீத​மாக உயர்த்​தி​யது.

இதனால் இரு நாடு​கள் இடையே சுமூக உறவு பாதிப்​படைந்​தது. வரி உயர்வு காரண​மாக இரு நாடு​களி​லும் நுகர்​வோர் கடுமை​யாக பாதிக்​கப்​பட்​டனர். இதையடுத்து வரியை குறைக்க கடந்த மாதம் 12-ம் தேதி இரு​நாடு​கள் இடையே ஒப்​பந்​தம் ஏற்​பட்​டது.

வரி தொடர்​பான பேச்​சு​வார்த்​தைகள் நடத்​து​வதற்​காக 90 நாட்​களுக்கு சீனப் பொருட்​கள் மீதான வரியை 145 சதவீதத்​திலிருந்து 30 சதவீத​மாக அதிபர் ட்ரம்ப் குறைத்​தார். சீனா​வும் அமெரிக்க பொருட்​களுக்கு விதித்த வரியை 125 சதவீதத்​திலிருந்து 10 சதவீத​மாக குறைத்​தது. ஆனாலும் இரு நாடு​கள் இடையே​யான மோதல் தொடர்ந்​தது.

முக்​கிய​மான கனிமங்​களை சீனா ஏற்​றுமதி செய்​வ​தில்லை என அமெரிக்கா குற்​றம்சாட்​டியது. நவீன கம்ப்​யூட்​டர் சிப் ஏற்​றும​திக்​கு, சீன மாணவர்​களுக்​கான விசா வழங்​கு​வ​தில் அமெரிக்கா கட்​டுப்​பாடு விதிப்​ப​தற்​கும், சீன அரசு எதிர்ப்பு தெரி​வித்​தது. இதனால் இரு​நாடு​கள் இடையே வர்த்தக பேச்​சு​வார்த்​தைகள் ஸ்தம்​பித்​தன.

அமெரிக்கா - சீனா இடையே​யான வேறு​பாடு​களை கலை​வதற்​கும், வரி தொடர்​பான பேச்​சு​வார்த்தை மீண்​டும் நியாய​மாக தொடங்​க​வும், அமெரிக்க அதிபர் ட்ரம்ப், சீன அதிபர் ஜி ஜின்​பிங் இடையே பேச்​சு​வார்த்தை நடை​பெற வேண்​டும் என அமெரிக்க நிதி​யமைச்​சர் ஸ்காட் பெசன்ட் ஆலோ​சனை தெரி​வித்​திருந்​தார்.

இந்​நிலை​யில் அமெரிக்க அதிபர் ட்ரம்ப் சமூக ஊடகத்​தில் நேற்று முன்​தினம் வெளி​யிட்ட செய்​தி​யில், ‘‘எனக்கு சீன அதிபர் ஜி ஜின்​பிங்கை எப்​போதும் பிடிக்​கும். ஆனால், அவருடன் பேச்​சு​ வார்த்தை நடத்தி ஒப்​பந்​தம் செய்​வது மிக​வும் சிரம​மாக உள்​ளது’’ என கூறி​யிருந்​தார். அவர் நேற்று சீன அதிபர் ஜின்​பிங்கை போனில் தொடர்பு கொண்டு பேசி​னார். இதை சீன வெளி​யுறவுத்​துறை அமைச்​சகம் உறுதி செய்​துள்​ளது. ஆனால், வெள்​ளை மாளி​கை இது குறித்​து இன்​னும்​ தகவல்​ வெளியிடவில்​லை.