அமெரிக்க வரி விதிப்புக்கு சீன நிறுவனங்கள் பதிலடி: பிரபல பிராண்டுகளின் பொருட்கள் மலிவு விலையில் நேரடி விற்பனை

வாஷிங்டன்: அமெரிக்கா​வும், சீனா​வும் வர்த்தக போரில் குதித்​துள்​ளன. இந்​நிலை​யில் சீனா விற்​பனை​யாளர்​கள், தங்​கள் வர்த்தக வியூ​கத்தை மாற்றி விளம்​பரம் செய்​யத் தொடங்​கி​யுள்​ளனர். அமெரிக்​கா​வில் விற்​பனை​யாகும் பிர்​கின் மற்​றும் லூயிஸ் உய்ட்​டன் போன்ற பிரபல பிராண்​டு​களின் கைப்​பைகள், ஆடைகள், அழகு​சாதன பொருட்​களை லோகோ இல்​லாமல் வாடிக்​கை​யாளர்​களுக்கு நேரடி​யாக மலிவு விலை​யில் விற்​பனை செய்​வ​தாக சீன நிறு​வனங்​கள் அறி​வித்​துள்​ளன.

பிர்​கின் பிராண்ட் கைப்​பைகளை விநி​யோகிக்​கும் ஒரு​வர் கூறுகை​யில், ‘‘34,000 அமெரிக்க டாலருக்கு விற்கப்​படும் கைப்​பை​யின் தயாரிப்பு செலவு 1,400 டாலர்​தான். பிரபல பிராண்​டு​களின் பொருட்​களை தயாரிக்​கும் எங்​களுக்கு குறைந்த லாபம்​தான் கிடைக்கிறது.

லாபத்​தில் பெரும்​பங்கை லோகோ மற்​றும் பிராண்ட் நிறு​வனங்​கள் பெறுகின்​றன. 90 சதவீதத்​துக்கு அதி​க​மான விலை லோகோ மற்​றும் பிராண்ட்​டுக்​காக நீங்​கள் செலவு செய்​கிறீர்​கள். அதைப்​பற்றி நீங்​கள் கவலைப்​பட​வில்​லை​யென்​றால், அதே அளவு தரமான பொருட்​களை நீங்​கள் எங்​களிடம் மலிவு விலை​யில் பெறலாம்’’ என டிக்​டாக் வீடியோ​வில் சீன வியா​பாரி ஒரு​வர் கூறுகிறார்.

100 டாலருக்கு விற்​பனை​யாகும் லூலுலெமன் தயாரிப்​பு​களை வெறும் 5 டாலருக்கு வாங்க முடி​யும் என மற்​றொரு சீன வியா​பாரி கூறுகிறார். வரி​யுடன் பொருட்​களை அனுப்​புவதற்​கான செலவை ஏற்​றுக்கொள்​வ​தாக​வும், சீன விற்​பனை​யாளர்​கள் கூறுகின்​றனர். வரி உயர்வு காரண​மாக அமெரிக்க பொருட்​கள் அனைத்​தை​யும், சீனா​வில் போலி​யாக தயார் செய்​வதற்கு சீன அரசும் சட்​டபூர்வ அங்​கீ​காரம் அளித்​து​விட்​டது. பிரபல பிராண்​டு​களின் பொருட்​கள் சீனா​வில் மலிவு விலை​யில் உற்​பத்தி செய்​யப்​படும் வீடியோக்​கள், பார்​வை​யாளர்​களை சீனா​வில்​ பொருட்​களை வாங்​கு​வதை தூண்​டுகின்​றன.