இங்கிலாந்து ராணி எலிசபெத்துக்கு 92-வது பிறந்தநாள்

கடந்த 1926 ஏப்ரல் 21-ம் தேதி இரண்டாம் எலிசபெத் பிறந்தார். 1952-ம் ஆண்டில் அவர் இங்கிலாந்து ராணியாக பதவியேற்றார். 66 ஆண்டுகளாக அவர் ராணியாக உள்ளார். இதன்மூலம் உலகின் மிக வயதான, நீண்ட காலம் ராணியாக இருக்கும் பெருமை அவருக்கு கிடைத்துள்ளது.

அவர் வழக்கத்துக்கு மாறாக தனது 92-வது பிறந்த நாளை விமரிசையாக கொண்டாடினார். அவரது பிறந்தநாளை ஒட்டி லண்டனில் நேற்று டாம் ஜோன்ஸ், கெய்லி மினோக், ஸ்டிங் உள்ளிட்ட இசைக் கலைஞர்களின் கச்சேரி நடைபெற்றது. இதில் அரச குடும்பத்தினர் பங்கேற்றனர்.