ஆக. 3: இன்று என்ன? - உலக தர்பூசணி நாள்

ஆகஸ்டு 3-ம் தேதி உலக தர்பூசணி நாளாகக் கொண்டாடப்படுகிறது. உலகில் அதிகமான மக்களால் விரும்பப்படும் பழங்களின் பட்டியலில் முதலிடம் தர்பூசணிக்குத்தான்.

தென்னாப்பிரிக்காவை பிறப்பிடமாகக் கொண்டது இப்பழம். சீனாவில்தான் அதிக தர்பூசணிகள் பயிரிடப்படுகிறது. 1200-க்கும்அதிகமான தர்பூசணிவகைகள் கண்டுபிடிக்கப்பட்டுள்ளன.

இது கோடைக்காலத்தில் குளுமைக்காகவும் சுவைக்காகவும் சாப்பிடப்பட்டாலும் இதில் அதிக அளவு இரும்புச்சத்து, வைட்டமின் சி, ஏ, பொட்டாசியம் மற்றும் 92% நார்ச்சத்தும் உள்ளன.

அதிலும் இதன் சிவப்பு நிற சதைப்பகுதியில் உள்ள சத்தைவிட, அதிகளவு சத்து அதன் வெள்ளை நிற அடிப்பகுதியில் உள்ளதாகக் கண்டுபிடிக்கப்பட்டுள்ளது. புற்றுநோய் மற்றும் மாரடைப்பு வராமல் தடுக்க உதவும் சக்தி தர்ப்பூசணிக்கு உண்டு.