ப்ரீமியம்
சைபர் புத்தர் சொல்கிறேன் 23 - ‘ஸ்லட் ஷேமிங்' செய்து பெண்களை முடக்கும் இணைய உலகம்

இணைய உலகம் பெண்களுக்கு நிறைய கதவுகளை திறந்துவிட்டிருக்கிறது. தகவல், கல்வி, வேலைவாய்ப்பு பெறுவதில் தொடங்கி பொதுச் சமூகத்துடன் கலந்து விவாதிப்பது, தங்கள் உரிமைகளைப் போராடி பெறுவது என்பதுவரை இணைய உலகம் பெண்கள் முன்னேற்றத்தின் முக்கிய கருவி.

ஆனால், அதே இணைய உலகம் பெண்களை முடக்கவும் தயங்குவதில்லை. பெண்களின் வாயடைக்க இதில் பயன்படுத்தும் ஒரு யுக்திதான் ‘ஸ்லட் ஷேமிங்’. பெண்களை சைபர் வெளியில் திட்டமிட்டு குழுவாக சேர்ந்து கொண்டு அவமானப்படுத்துவது, பாலியல் ரீதியான வசை மொழி பேசுவது, மீறி புகார் அளித்தால் அவர்களின் நடத்தையை சமூக வெளியில் கேள்விக்குள்ளாக்குவது என அனைத்து தந்திரங்களாலும், பெண்களை முடக்குவது அதிகமாகி வருகிறது.