ப்ரீமியம்
நீங்களும் யூபிஎஸ்சி வெல்லலாம் - 20: பொருளாதார பாடப்பிரிவின் மீதான ஆர்வத்தால் ஐஇஎஸ் ஆனவர்

சிறுவயது முதல் பொருளாதாரப் பாடப் பிரிவில் இருந்த அதிக ஆர்வத்தினால் இந்தியப் பொருளாதாரப் பணி (ஐஇஎஸ்) தேர்வில் வென்றவர் முனைவர் கோகிலா ஜெய்ராம். நீலகிரி மலையின் படுகர் சமூகத்தை சேர்ந்த இவர் தற்போது மத்திய மருத்துவ மற்றும் குடும்ப நலத்துறையில் இணை இயக்குநராகப் பணியாற்றுகிறார்.

கோகிலா ஜெய்ராம் நீலகிரி மாவட்டம் கோத்தகிரி தாலுகாவின் மிளிதேன் கிராமத்தைச் சேர்ந்தவர். இவரது தந்தை ஜெய்ராம், மத்திய நிலத்தடி நீர் வாரியத்தின் உதவி இயக்குநராக பணி ஓய்வு பெற்றவர். தாய் தேவி நல்லாயன் பள்ளியில் ஆசிரியராகப் பணி ஓய்வு பெற்றுள்ளார். மூத்த சகோதரர் நவீன்குமார், இந்திய விமானப்படையின் விங் கமாண்டராக ஆக்ராவில் பணியாற்றுகிறார்.