ப்ரீமியம்
போவோமா ஊர்கோலம் - 16: இந்தியாவின் பிங் நகரத்தில் ஒரு நாள்...

பாகிஸ்தான் எல்லைக்கு அருகே இருக்கும் ஜெய்சல்மரில் இருந்து ராஜஸ்தான் தலைநகரம் சுமார் 600 கிலோமீட்டர் தொலைவில் உள்ளது. சாலைகள் கொஞ்சம் மோசமாக இருக்கும் இடத்தில் ஒரே நாளில் 600 கிலோமீட்டர் பயணிப்பது ரொம்பவே சவாலானது தான்.

நாம் ஏற்கெனவே இந்த பயணத்தில் இரண்டு முறை 600 கிலோ மீட்டருக்கு மேல் ஒரேநாளில் இருசக்கர வாகனத்தில் பயணித்திருக்கிறோம். அந்த தைரியத்தில் அதிகாலையிலேயே ஜெய்சல்மரில் இருந்து பயணத்தைத் தொடங்கிவிட்டோம். சாலையெங்கும் எச்சரிக்கை பதாகைகள் அந்த இருட்டிலும் மின்னிக்கொண்டிருந்தன. நிறைய இருக்கிறதே என்னவென்று பார்த்தோம், மாடுகள் அதிகம் நடமாடும் பகுதி ஜாக்கிரதை என்று எழுதி இருந்தது.