பள்ளிகளுக்கு நாளை முதல் காலாண்டு விடுமுறை

சென்னை: ஒன்றாம் வகுப்பு முதல் 5-ம் வகுப்பு மாணவர்களுக்கு காலாண்டு தேர்வு விடுமுறை நாளை (அக்.1) தொடங்குகிறது. தமிழகத்தில் ஒன்றாம் வகுப்பு முதல் 12-ம்வகுப்புகளுக்கான காலாண்டு தேர்வு கடந்த 21-ம் தேதி தொடங்கி 30-ம் தேதியுடன் முடிவடைகிறது. இதையடுத்து நாளை தொடங்கி 12-ம் தேதி வரை காலாண்டு விடுமுறை விடப்பட்டுள்ளது.

இதுகுறித்து பள்ளிக் கல்வித்துறை வெளியிட்ட அறிவிப்பில், “6-ம் வகுப்பு முதல் 12-ம் வகுப்புகளுக்கு அக்.10-ம் தேதி பள்ளிகள் திறக்கப்படும். தொடக்கப் பள்ளிகளில் 1 முதல் 5-ம் வகுப்புகளைக் கையாளும் ஆசிரியர்களுக்கு அக்.10, 11, 12 தேதிகளில் எண்ணும் எழுத்தும் 2-ம் கட்ட பயிற்சி அளிக்கப்படவுள்ளது. அதனால் 1-ம் வகுப்பு முதல் 5-ம் வகுப்பு வரை படிக்கும் மாணவர்களுக்கு மட்டும் அக்..13-ம் தேதி பள்ளிகள் திறக்கும்" என்று தெரிவிக்கப்பட்டு உள்ளது.