மத்திய அரசு பணிகள்: எஸ்எஸ்சி அறிவிப்பு வெளியீடு

சென்னை: மத்திய அரசின் பல்வேறு அமைச்சகங்கள், துறைகள் மற்றும் நிறுவனங்களில் காலியாகவுள்ள குருப்-பி, குருப்-சி பணியிடங்களை நேரடி நியமன முறையில் நிரப்புவதற்கான அறிவிப்பை மத்திய பணியாளர் தேர்வாணையம் (ஸ்டாப் செலக்சன் கமிஷன்) வெளியிட்டுள்ளது.

இதற்கான போட்டித்தேர்வு டிசம்பர் மாதம் கணினிவழியில் நடத்தப்பட உள்ளது. தமிழ்நாட்டில் 8 மையங்களில் தேர்வு நடைபெறும். தகுதியுடைய தேர்வர்கள் எஸ்எஸ்சி இணையதளத்தை (www.ssc.nic.in) பயன்படுத்தி அக்டோபர் மாதம் 8-ம் தேதிக்குள் ஆன்லைனில் விண்ணப்பிக்க வேண்டும். பணிவிவரங்கள், கல்வித்தகுதி, வயது வரம்பு, தேர்வுக்கட்டணம், தேர்வுமுறை உள்ளிட்ட கூடுதல் விவரங்களை எஸ்எஸ்சி இணையதளத்தில் விரிவாக அறிந்துகொள்ளலாம் என்று எஸ்எஸ்சி தென்மண்டல இயக்குநர் கே.நாகராஜா தெரிவித்துள்ளார்.