Published : 30 Aug 2022 06:04 AM
Last Updated : 30 Aug 2022 06:04 AM

ஆசிரியர் தேர்வு: செப்.2 முதல் 4 வரை சான்றிதழ் சரிபார்ப்பு

சென்னை: அரசு மேல்நிலைப் பள்ளி முதுகலை பட்டதாரி ஆசிரியர் மற்றும் உடற்கல்வி இயக்குநர், கணினி பயிற்றுநர் (கிரேடு-1) நேரடி நியமன தேர்வுக்கான சான்றிதழ் சரிபார்ப்பு பட்டியலை ஆசிரியர் தேர்வு வாரியம் ஞாயிற்றுக்கிழமை வெளியிட்டது. இந்நிலையில், சான்றிதழ் சரிபார்ப்பு கால அட்டவணையை பாடப்பிரிவுகள் வாரியாக நேற்று வெளியிட்டது.

அதன்படி, சான்றிதழ் சரிபார்ப்பு செப்டம்பர் 2-ம் தேதி முதல் 4-ம் தேதி வரை சென்னை டிபிஐ வளாகத்தில் உள்ள ஆசிரியர் தேர்வு வாரிய அலுவலகத்தில் நடைபெறுகிறது. சான்றிதழ் சரிபார்ப்புக்கான அழைப்புக்கடிதம் 2 நாட்களுக்கு முன் ஆசிரியர் தேர்வு வாரியத்தின் இணையதளத்தில் வெளியிடப்படும்.

அந்த அழைப்புக்கடிதம் மற்றும் இதர படிவங்களை தேர்வர்கள் பதிவிறக்கம் செய்துகொள்ள வேண்டும் என்று டிஆர்பி தலைவர் ஜி.லதா தெரிவித்துள்ளார்.

தவறவிடாதீர்!

Sign up to receive our newsletter in your inbox every day!

 
x