குத்துச்சண்டையில் 14 பதக்கம் வென்றது இந்தியா

புதுடெல்லி: கஜகஸ்தானின் நூர்-சுல்தான் நகரில் எலோர்டா கோப்பை குத்துச்சண்டை போட்டி நடைபெற்றது. இதில் இந்தியாவின் அல்ஃபியா பதான் 81 கிலோ எடைப் பிரிவு இறுதி சுற்றில் கஜகஸ்தானின் லாசத் குங்கீபயேவாவை 5-0 என்ற கணக்கில் வீழ்த்தி தங்கப் பதக்கம் வென்றார்.

48 கிலோ எடைப் பிரிவில் இந்தியாவின் கிதிகா, சகநாட்டைச் சேர்ந்த கலைவாணி னிவாசனை எதிர்த்து விளையாடினார். இதில் கிதிகா 4-1 என்ற கணக்கில் வெற்றி பெற்று தங்கம் வென்றார். சென்னையை சேர்ந்த கலைவாணி, வெள்ளிப் பதக்கம் பெற்றார்.

54 கிலோ எடைப் பிரிவில் இந்தியாவன் ஜமுனா போரா 0-5 என்ற கணக்கில் உஸ்பெகிஸ்தானின் நிகினா உக்தமோவாவிடம் தோல்வியடைந்து வெள்ளிப் பதக்கம் பெற்றார். நேற்று முன்தினத்துடன் முடிவடைந்த இந்தத் தொடரில் இந்தியா 2 தங்கம், 2 வெள்ளி, 10 வெண்கலத்துடன் மொத்தம் 14 பதக்கங்கள் வென்றது.