Published : 23 Jan 2021 15:23 pm

Updated : 23 Jan 2021 15:23 pm

 

Published : 23 Jan 2021 03:23 PM
Last Updated : 23 Jan 2021 03:23 PM

ஜேஇஇ முதல்நிலைத் தேர்வு: விண்ணப்பிக்க இன்று கடைசித் தேதி

jee-main-registration-2021-ends-today

2021-ம் ஆண்டுக்கான ஜேஇஇ முதல்நிலைத் தேர்வுக்கு விண்ணப்பிக்க இன்றே (ஜன.23) கடைசித் தேதி ஆகும்.

நாடு முழுவதுள்ள ஐஐடி, என்ஐடி போன்ற மத்திய உயர் கல்வி நிறுவனங்களில் இளநிலைப் படிப்புகளில் சேர ஒருங்கிணைந்த நுழைவுத் தேர்வில் (ஜேஇஇ) தேர்ச்சி பெற வேண்டும். இவை ஜேஇஇ முதல்நிலைத் (மெயின்) தேர்வு, ஜேஇஇ பிரதானத் (அட்வான்ஸ்டு) தேர்வு என 2 கட்டங்களாக நடத்தப்படும். தேசியத் தேர்வுகள் முகமை (என்டிஏ) சார்பில் இந்தத் தேர்வு நடத்தப்பட்டு வருகிறது.


அதன்படி நடப்பாண்டுக்கான முதல்கட்ட ஜேஇஇ முதல்நிலைத் தேர்வு பிப்ரவரி 23 முதல் 26-ம் தேதி வரை நாடு முழுவதும் நடைபெற உள்ளது. இந்த ஆண்டு ஆங்கிலம், இந்தி, அசாமி, பெங்காலி, குஜராத்தி, கன்னடம், மராத்தி, மலையாளம், ஒடியா, பஞ்சாபி, தமிழ், தெலுங்கு, உருது ஆகிய 13 மொழிகளில் தேர்வு நடைபெற உள்ளது

இதற்கான விண்ணப்பப் பதிவு, கடந்த டிசம்பர் மாதம் 15-ம் தேதி தொடங்கி நடைபெற்று வருகிறது. இந்நிலையில் இந்த ஆண்டுக்கான ஜேஇஇ முதல்நிலைத் தேர்வுக்கு விண்ணப்பிக்க இன்று (ஜனவரி 23) கடைசித் தேதி ஆகும். இதற்கான விண்ணப்பக் கட்டணத்தை நாளை (ஜன.24) மாலைக்குள் செலுத்த வேண்டும். ஜேஇஇ தேர்வுக்கான அனுமதிச் சீட்டு பிப்ரவரி 2-வது வாரத்தில் வெளியிடப்பட உள்ளது.

கூடுதல் தகவல்களுக்கு: jeemain.nta.nic.in

தவறவிடாதீர்!


JEE MainJEE Main 2021ஜேஇஇஜேஇஇ முதல்நிலைத் தேர்வுவிண்ணப்பம்கடைசித் தேதிஎன்டிஏஇளநிலைப் படிப்பு

Sign up to receive our newsletter in your inbox every day!

You May Like

More From This Category

More From this Author

x