Published : 21 Aug 2020 20:21 pm

Updated : 21 Aug 2020 20:21 pm

 

Published : 21 Aug 2020 08:21 PM
Last Updated : 21 Aug 2020 08:21 PM

தேசிய நல்லாசிரியர் விருது அறிவிப்பு: தமிழகத்தைச் சேர்ந்த 2 ஆசிரியர்கள் தேர்வு

national-best-teacher-award-announcement-2-teachers-from-tamil-nadu-selected
ஆசிரியர்கள் திலிப் மற்றும் சரஸ்வதி

மத்தியக் கல்வி அமைச்சகம் தேசிய நல்லாசிரியர் விருதுக்குத் தேர்வான ஆசிரியர்கள் பட்டியலை வெளியிட்டுள்ளது. இதில் தமிழகத்தைச் சேர்ந்த 2 ஆசிரியர்கள் தேர்வு செய்யப்பட்டுள்ளனர்.

ஆசிரியராக இருந்து குடியரசுத் தலைவராக உயர்ந்த சர்வபள்ளி ராதாகிருஷ்ணனை போற்றும் வகையில் அவரது பிறந்த நாளான செப்டம்பர் 5-ம் தேதி ஆசிரியர் தினமாகக் கொண்டாடப்படுகிறது. நாட்டில் ஆசிரியர் பணியில் சிறந்து விளங்கும் ஆசிரியர்களுக்கு இந்நாளில் தேசிய நல்லாசிரியர் விருது வழங்கப்படுகிறது.

அந்த வகையில் இந்த ஆண்டு தேசிய நல்லாசிரியர் விருதுக்கு நாடு முழுவதிலும் இருந்து 45 ஆசிரியர்களை மத்தியக் கல்வி அமைச்சகம் தேர்வு செய்துள்ளது. சிறப்புப் பிரிவில் மாற்றுத் திறனாளி ஆசிரியர்கள் இருவர்களுக்கும் விருது வழங்கப்படுகிறது. தமிழகத்தில் இருந்து சத்தியமங்கலம் அரசு மேல்நிலைப் பள்ளி ஆசிரியர் திலிப் மற்றும் சென்னை, அசோக் நகர் மகளிர் மேல்நிலைப்பள்ளி ஆசிரியர் சரஸ்வதி ஆகிய இருவரும் விருதுக்காகத் தேர்வு செய்யப்பட்டுள்ளனர்.

இவர்கள் அனைவருக்கும் டெல்லி விக்யான் பவனில் செப்டம்பர் 5-ம் தேதி குடியரசுத் தலைவர் ராம்நாத் கோவிந்த் கையால் விருது வழங்கப்படும்.

ஆசிரியர்கள் திலிப் மற்றும் சரஸ்வதி ஆகிய இருவரும் இந்து தமிழ் நாளிதழின் அன்பாசிரியர் விருதுகளை அண்மையில் பெற்றது குறிப்பிடத்தக்கது.

தவறவிடாதீர்!

National Best TeacherTamil Naduநல்லாசிரியர்தேசிய நல்லாசிரியர் விருதுதமிழகம்2 ஆசிரியர்கள் தேர்வுசரஸ்வதிதிலிப்கல்வி அமைச்சகம்

Sign up to receive our newsletter in your inbox every day!

You May Like

More From This Category

More From this Author