Published : 02 Dec 2019 13:24 pm

Updated : 02 Dec 2019 13:24 pm

 

Published : 02 Dec 2019 01:24 PM
Last Updated : 02 Dec 2019 01:24 PM

நீட் 2020 தேர்வு: இன்று முதல் விண்ணப்பிக்கலாம்- முழு விவரம்

neet-exam-apply-date-2020

அடுத்த ஆண்டு நடைபெற உள்ள நீட் தேர்வுக்கு இன்று மாலை 4 மணி முதல் ஆன்லைனில் விண்ணப்பிக்கலாம்.

மருத்துவம் மற்றும் பல் மருத்துவப் படிப்புகளுக்கான நுழைவுத் தேர்வு அடுத்த ஆண்டு மே 3-ம் தேதி நடைபெறுகிறது. ஆங்கிலம் மற்றும் இந்தி உள்ளிட்ட 11 மொழிகளில் ஓஎம்ஆர் முறையில் தேர்வு நடைபெற உள்ளது.

யார் எழுதலாம்?
12-ம் வகுப்பை முடித்தவர்களும் 2020-ல் 12-வது வகுப்புத் தேர்வை எழுத உள்ளவர்களும் நீட் தேர்வை எழுதத் தகுதியானவர்கள்.

வயது வரம்பு
17 வயது முதல் 25 வயது வரையிலான மாணவர்கள் நீட் தேர்வுக்கு விண்ணப்பிக்கலாம். எஸ்சி/எஸ்டி/ஓபிஎசி மற்றும் மாற்றுத்திறனாளி மாணவர்களுக்கு 5 ஆண்டுகள் விதிவிலக்கு உண்டு.

எப்படி விண்ணப்பிப்பது?
இன்று (டிச. 2) தொடங்கும் விண்ணப்பத் தேதி, ஜனவரி 1-ம் தேதி 2020 உடன் நிறைவு பெறுகிறது. ntaneet.nic.in என்ற இணையதளத்தில் தகுதிவாய்ந்த விண்ணப்பதாரர்கள் விண்ணப்பிக்கலாம்.

என்ன கட்டணம்?
பொதுப் பிரிவினருக்கான விண்ணப்பக் கட்டணம் ரூ.1,500. பொருளாதாரத்தில் பின்தங்கிய மாணவர்களும் க்ரீமி லேயர் அல்லாத ஓபிசி மாணவர்களும் ரூ.1,400-ஐச் செலுத்த வேண்டும்.
எஸ்சி, எஸ்டி, மாற்றுத் திறனாளிகள் மற்றும் மாற்றுப் பாலினத்தவருக்கான கட்டணம் ரூ.800.

மார்ச் 27, 2020-ல் நீட் தேர்வு எழுதுவதற்கான அனுமதிச் சீட்டு இணையதளத்தில் வெளியாகும்.


நீட்நீட் 2020நீட் தேர்வுவிண்ணப்பிக்கலாம்முழு விவரம்

Sign up to receive our newsletter in your inbox every day!

You May Like

More From This Category

More From this Author