இசை: Ongoing activities ஐ விளக்க Gerund பயன்படுகிறது என்று பார்த்தோம்.
உமையாள்: ஆமாம். “ing” ஐ வைத்து ஒரு வாரமா நல்ல விளையாடிட்டோம்.
பாட்டி: இதே போல interesting ஆன மற்றொரு வாக்கியம் இருக்கிறது.
இனியன்: அது என்ன பாட்டி?
பாட்டி: அதன் பெயர் முடிவிலி வாக்கியம்.
மித்ரன்: என்னது மூடிவிலியா?
உமையாள்: மூடிவிலி இல்லை தம்பி. அது முடிவிலி.
பாட்டி: முடிவிலி வாக்கியங்கள் பற்றி உங்களுக்கு ஏதாவது தெரியுமா?
இசை: முடிவிலிங்கிற பேரைப் பார்க்கும் போது, அந்த வாக்கியத்திற்கு முடிவு இல்லைன்னு தோணுது.
மித்ரன்: அப்படின்னா, அந்த வாக்கியத்திற்கு end ஏ கிடையாதா?
உமையாள்: அப்போ அந்த வாக்கியம் எப்போ முடியும்?
இனியன்: அந்த வாக்கியத்திற்கு full stop இல்லை தானே?
மித்ரன்: இது என்ன புது குழப்பமா இருக்குது.
பாட்டி: உனக்கு நீந்துவது பிடிக்கும் தானே.
உமையாள்: ஆமாம் பாட்டி.
பாட்டி: உனக்கு cycle ஓட்டுவது பிடிக்கும் தானே.
இசை: ரொம்ப பிடிக்கும் பாட்டி.
பாட்டி: உனக்கு சாப்பிடுறது பிடிக்கும் தானே?
மித்ரன்: சாப்பாடுன்னு பேரை சொன்னாலே எனக்கு சந்தோசம் தான். அதை கையில கொடுத்தா, கேட்கவா வேணும்.
இனியன்: ஏன் பாட்டி, இதெல்லாம் கேட்குறீங்க.
பாட்டி: இப்போ நான் சொன்னது எல்லாமே இப்போது மட்டும் தானே நடக்கும். நாளைக்கு இது மாறிவிடும் தானே.
உமையாள்: அது எப்படி பாட்டி. எனக்கு நீந்துவது இன்னைக்கும் பிடிக்கும். நாளைக்கும் பிடிக்கும். எப்பவுமே பிடிக்கும்.
இசை: அது போல தான் எனக்கும். எப்பவுமே எனக்கு cycle ஓட்டுறது பிடிக்கும்.
மித்ரன்: நானும் தான். எப்பவுமே நல்லா சாப்பிடுவேன். அது ஒரு நாள்ல முடியுற விஷயமா என்ன?
பாட்டி: இப்போது என்ன சொன்னாய். திருப்பி சொல்லு.
மித்ரன்: இதெல்லாம் ஒரு நாள் ல்ல முடியுற விஷயமா ன்னு சொன்னேன்.
பாட்டி: அதைத் தானே நானும் சொன்னேன்.
மித்ரன்: எப்போ சொன்னீங்க....
இசை: நான் கண்டுபிடிச்சிட்டேன். இந்த மாதிரியான வாக்கியங்களுக்குப் பெயர் தான் முடிவிலி.
பாட்டி: Correct. முடிவிலி வாக்கியத்தை ஆங்கிலத்தில் Infinitive Sentence என்று சொல்வோம்.
மித்ரன்: அப்படியா. சரி பாட்டி.
பாட்டி: இப்போது நாம் பார்த்த அனைத்து வாக்கியங்களும் வினைச்சொல்லை முதன்மைப்படுத்தி வந்ததா?
இனியன்: ஆமாம் பாட்டி. Swim, drive, eat இதெல்லாமே verb தான்.
பாட்டி: Infinitive sentence யில் இரண்டு verb வரும்.
இரண்டாவது verb ற்கு முன்னால் to சேர்க்க வேண்டும்.
“to” வை வினைச்சொல்லிற்கு முன்னால் சேர்த்து எழுதும் போது, அது முடிவிலி வாக்கியமாக மாறுகிறது.
(தொடரும்)
- கட்டுரையாளர்: மொழித்திறன் பயிற்றுநர்