Published : 18 Apr 2021 03:17 am

Updated : 18 Apr 2021 03:42 am

 

Published : 18 Apr 2021 03:17 AM
Last Updated : 18 Apr 2021 03:42 AM

ஆசிரியர்களின் கோரிக்கைப்படி வாரத்தில் 5 நாட்களே பள்ளிகள் செயல்படும்: பள்ளிக் கல்வித் துறை அறிவிப்பு

5-working-days-only

சென்னை

ஆசிரியர்களின் கோரிக்கையை ஏற்று வாரத்தில் 5 நாட்கள் மட்டுமே பள்ளிகள் செயல்படும் என பள்ளிக் கல்வித் துறை அறிவித்துள்ளது.

தமிழகத்தில் கரோனா பரவல் காரணமாக பள்ளிகள்தாமதமாக கடந்த ஜனவரியில்தான் திறக்கப்பட்டன. கல்விஆண்டு தாமதத்தை ஈடுசெய்ய வாரத்தில் 6 நாட்கள் பள்ளிகள் இயங்க வேண்டும் என்று தமிழக அரசு உத்தரவிட்டது. அதன்படி பள்ளிகள் கடந்த 3 மாதங்களாக செயல்பட்டு வந்தன.


மாணவர் வருகை குறைவு

அதேநேரம் வார இறுதிநாளான சனிக்கிழமையில் மாணவர் வருகைப்பதிவு குறைவாக இருப்பதால் வேலை நாட்களை குறைக்க வேண்டும் என ஆசிரியர்கள் தொடர்ந்து வலியுறுத்தி வந்தனர். அதைஏற்று பள்ளி வேலை நாட்கள்மீண்டும் 5 தினமாக மாற்றப்பட்டுள்ளது.

இதுகுறித்து பள்ளிக்கல்வித் துறை இயக்குநரகம் சார்பில் மாவட்ட முதன்மைக் கல்விஅதிகாரிகளுக்கு அனுப்பப்பட்டுள்ள சுற்றறிக்கையில் கூறி யிருப்பதாவது:

கடந்த ஏப்.16-ம் தேதிகாணொலிக் காட்சி வழியாகநடைபெற்ற ஆலோசனைக் கூட்டத்தில் எடுக்கப்பட்ட முடிவின்படி அனைத்துவித பள்ளிகளும், வரும் காலங்களில் வாரத்துக்கு 5 வேலை நாட்கள் மட்டுமே செயல்படும். வழக்கம்போல, சனிக்கிழமை விடுமுறை அளிக்கப்பட வேண்டும்.

செய்முறைத் தேர்வுகள்

தற்போது பள்ளிகளில் 12-ம் வகுப்புக்கு செய்முறை தேர்வுகள் நடந்து வருகிறது.எனினும், கரோனா பரவல் அச்சம் காரணமாக தேர்வு எழுதும் மாணவர்கள் மட்டுமே பள்ளிக்கு வரவேண்டும்.

செய்முறைத் தேர்வு முடிந்தபின் மாணவர்களை வீட்டிலிருந்து பொதுத் தேர்வுக்கு தயாராக அறிவுறுத்த வேண்டும். அதேபோல், பிளஸ் 2 பொதுத் தேர்வுக்கான பணிகளை உரிய முறையில் தீவிரப்படுத்த வேண்டும். இதுதொடர்பாக பள்ளி தலைமை ஆசிரியர்களுக்கு உரிய அறிவுறுத்தல்களை அந்தந்த மாவட்டங்களின் முதன்மைக் கல்வி அதிகாரிகள் வழங்க வேண்டும்.

இவ்வாறு அதில் கூறப்பட்டுள்ளது.


ஆசிரியர்களின் கோரிக்கைவாரத்தில் 5 நாட்களே பள்ளிபள்ளிக் கல்வித் துறை அறிவிப்பு5 working days only

Sign up to receive our newsletter in your inbox every day!

More From This Category

More From this Author

x