Published : 16 Jan 2021 16:28 pm

Updated : 16 Jan 2021 16:28 pm

 

Published : 16 Jan 2021 04:28 PM
Last Updated : 16 Jan 2021 04:28 PM

ஜேஇஇ மெயின் 2021 தேர்வு: விண்ணப்பிக்க இன்று கடைசித் தேதி

nta-to-close-jee-main-2021-application-window-today-details-here

2021-ம் ஆண்டுக்கான ஜேஇஇ மெயின் தேர்வுக்கு விண்ணப்பிக்க இன்றே (ஜன.16) கடைசித் தேதி ஆகும்.

பொறியியல் நுழைவுத் தேர்வான ஜேஇஇ மெயின் 2021 தேர்வு ஆண்டுக்கு 4 முறை நடைபெறும் என்று அண்மையில் அறிவிக்கப்பட்டது. முதல்கட்டமாக பிப்ரவரி மாதம் 23 முதல் 26ஆம் தேதி வரை தேர்வு நடைபெற உள்ளது. அதைத் தொடர்ந்து மார்ச், ஏப்ரல் மற்றும் மே மாதங்களிலும் ஜேஇஇ மெயின் 2021 தேர்வு நடைபெறும். ஒரே மாணவர் 4 முறையும் தேர்வை எழுதலாம். எனினும் அவற்றில் பெற்றுள்ள அதிகபட்ச மதிப்பெண்களே கணக்கில் கொள்ளப்படும்.


இந்த ஆண்டு ஆங்கிலம், இந்தி, அசாமி, பெங்காலி, குஜராத்தி, கன்னடம், மராத்தி, மலையாளம், ஒடியா, பஞ்சாபி, தமிழ், தெலுங்கு மற்றும் உருது ஆகிய 13 மொழிகளில் தேர்வு நடைபெற உள்ளது. நாடு முழுவதும் இந்தி, ஆங்கிலம், உருது ஆகிய மொழிகளில் தேர்வு நடைபெற உள்ள நிலையில், பிற மொழிகளில் தேர்வுகள் அந்தந்த மாநிலங்களில் மட்டுமே நடைபெறும்.

மாணவர்கள் jeemain.nta.nic.in என்ற இணையதளத்தில் தேர்வுக்காக டிசம்பர் 15-ம் தேதி முதல் விண்ணப்பித்து வருகின்றனர். இந்நிலையில் இந்த ஆண்டுக்கான ஜேஇஇ மெயின் தேர்வுக்கு விண்ணப்பிக்க இன்றே (ஜன.16) கடைசித் தேதி என்று தேசியத் தேர்வுகள் முகமை தெரிவித்துள்ளது.

எனினும் தேர்வர்கள் ஜனவரி 19 முதல் 21-ம் தேதி வரை விண்ணப்பங்களில் திருத்தங்களை மேற்கொள்ளலாம்.

தவறவிடாதீர்!


ஜேஇஇஜேஇஇ மெயின்ஜேஇஇ மெயின் 2021விண்ணப்பம்கடைசித் தேதிNTAJEE MainJEE Main 2021

Sign up to receive our newsletter in your inbox every day!

You May Like

More From This Category

More From this Author

x