சட்டப் படிப்புகளுக்கு விண்ணப்பிக்கக் கால அவகாசம் நீட்டிப்பு

இளங்கலை மற்றும் முதுகலை சட்டப் படிப்புகளுக்கு விண்ணப்பிக்கக் கால அவகாசத்தை நீட்டித்து அம்பேத்கர் பல்கலைக்கழகம் அறிவிப்பு வெளியிட்டுள்ளது.

டாக்டர் அம்பேத்கர் சட்டப் பல்கலைக்கழகத்தில் 3 ஆண்டு சட்டப் படிப்புகள் (எல்எல்.பி), 5 ஆண்டு சட்டப் படிப்புகள் (பிஏ எல்எல்.பி), 2 ஆண்டு சட்ட மேற்படிப்புகள் (எல்எல்.எம்), உள்ளிட்ட படிப்புகள் கற்பிக்கப்பட்டு வருகின்றன.

இந்தப் படிப்புகளில் நடப்புக் கல்வி ஆண்டில் சேர விண்ணப்ப விநியோகம் நடைபெற்றது. இளநிலைப் படிப்புக்கு அக்டோபர் 28-ம் தேதி வரையும், முதுநிலைப் படிப்புக்கு நவம்பர் 4-ம் தேதி வரையும் விண்ணப்பிக்கலாம் என அறிவிக்கப்பட்டது.

இந்நிலையில் 3 ஆண்டு சட்டப் படிப்புகள், 2 ஆண்டு சட்ட மேற்படிப்புகளுக்கு நவ.18-ம் தேதி வரை விண்ணப்பிக்கலாம் என்று அம்பேத்கர் சட்டப் பல்கலைக்கழகம் கால அவகாசத்தை நீட்டித்து அறிவித்துள்ளது.

கூடுதல் விவரங்களுக்கு: www.tndalu.ac.in

தமிழகம் முழுவதும் சென்னை, செங்கல்பட்டு, மதுரை, கோவை, திருச்சி, திருநெல்வேலி உள்ளிட்ட இடங்களில் அரசு சட்டக் கல்லூரிகள் உள்ளன என்பது குறிப்பிடத்தக்கது.