சட்டப் படிப்புகளுக்கு இணையத்தில் விண்ணப்பிக்கலாம்: தேதிகள் அறிவிப்பு

5 ஆண்டு சட்டப் படிப்புகளுக்கு ஆகஸ்ட் 5-ம் தேதி முதல் ஆன்லைனில் விண்ணப்பிக்கலாம் என்று அம்பேத்கர் சட்டப் பல்கலைக்கழகம் அறிவித்துள்ளது.

டாக்டர் அம்பேத்கர் சட்டப் பல்கலைக்கழகத்தில் 3 ஆண்டு சட்டப் படிப்புகள், 5 ஆண்டு சட்டப் படிப்புகள், சட்ட மேற்படிப்புகள் உள்ளிட்ட படிப்புகள் கற்பிக்கப்பட்டு வருகின்றன.

இந்நிலையில் 5 ஆண்டு சட்டப் படிப்புகளுக்கு ஆகஸ்ட் 5-ம் தேதி முதல் ஆன்லைனில் விண்ணப்பிக்கலாம் என்று பல்கலைக்கழகம் அறிவித்துள்ளது. ஆகஸ்ட் 10-ம் தேதி முதல் 5 ஆண்டு சட்டப் படிப்புக்கான அச்சடிக்கப்பட்ட விண்ணப்பங்கள் நேரடியாக வழங்கப்படும் என்று தெரிவிக்கப்பட்டுள்ளது.

அதேநேரம் 3 ஆண்டு சட்டப் படிப்பு, முதுகலை சட்டமேற்படிப்புக்கான விண்ணப்பம் வழங்கும் தேதி பின்னர் அறிவிக்கப்படும் என்று தமிழ்நாடு டாக்டர் அம்பேத்கர் சட்டப் பல்கலைக்கழகம் தெரிவித்துள்ளது.

மாணவர்கள் விண்ணப்பத்தைப் பூர்த்தி செய்து www.tndalu.ac.in என்ற இணையதளத்தை நாடி, செப்டம்பர் 4-ம் தேதி வரை சமர்ப்பிக்கலாம் என்றும் தெரிவிக்கப்பட்டுள்ளது.

சென்னையில் ஐந்து ஆண்டு சட்டப் படிப்பில் 156 இடங்களும் தமிழகம் முழுவதும் உள்ள 11 சட்டக் கல்லூரிகளில் 1,372 இடங்களும் உள்ளது குறிப்பிடத்தக்கது.