Published : 16 Jul 2020 19:31 pm

Updated : 16 Jul 2020 19:31 pm

 

Published : 16 Jul 2020 07:31 PM
Last Updated : 16 Jul 2020 07:31 PM

பிளஸ் 2 தேர்வில் 94.51% தேர்ச்சி; மாநில அளவில் 12-வது இடத்தைப் பிடித்த கரூர் மாவட்டம்

karur-district-in-12th-place-in-12th-public-exam
பிரதிநிதித்துவப் படம்.

கரூர்

பிளஸ் 2 தேர்வு முடிவில் கரூர் மாவட்டம் 94.51 சதவீத தேர்ச்சியுடன் மாநில அளவில் 12-வது இடம் பெற்றுள்ளது.

தமிழகத்தில் இன்று (ஜூலை 16) பிளஸ் 2 தேர்வு முடிவுகள் வெளியிடப்பட்டன. கரூர் மாவட்டத்தில் பிளஸ் 2 பொதுத்தேர்வை அரசு, அரசு உதவிபெறும், நகராட்சி, ஆதிதிராவிடர் நலப் பள்ளிகள் என 52 பள்ளிகள் உள்பட மெட்ரிக், தனியார் என மொத்தம் 100-க்கும் மேற்பட்ட மேல்நிலைப் பள்ளிகளைச் சேர்ந்த 4,729 மாணவர்கள், 5,390 மாணவிகள் என மொத்தம் 10 ஆயிரத்து 119 பேர் எழுதினர்.

இதில் 4,363 மாணவர்கள், 5,200 மாணவிகள் என மொத்தம் 9,563 தேர்ச்சி பெற்றுள்ளனர். இது 94.51 சதவீதமாகும். தேர்ச்சி சதவீதத்தில் கரூர் மாவட்டம் தமிழக அளவில் 12-ம் இடத்தில் உள்ளது. கடந்த ஆண்டு 94.07 சதவீத தேர்ச்சியுடன் மாநில அளவில் 10-வது இடத்தைப் பெற்றிருந்தது குறிப்பிடத்தக்கது.

அரசுப் பள்ளிகள் 90.48 சதவீத தேர்ச்சி

மாவட்டத்தில் உள்ள 52 அரசு மேல்நிலைப் பள்ளிகளைச் சேர்ந்த 4,498 மாணவ, மாணவிகள் தேர்வெழுதியதில் 4,070 மாணவ, மாணவிகள் தேர்ச்சி பெற்றனர். இது 90.48 சதவீதமாகும்.

100 சதவீத தேர்ச்சி பெற்ற அரசு, அரசு உதவி பெறும் பள்ளிகள்

பெரியகுளத்துப்பாளையம், வாங்கல், நெரூர், பொரணி, மணவாடி ஆகிய 5 அரசு மேல்நிலைப் பள்ளிகள் 100 சதவீத தேர்ச்சி பெற்றுள்ளன. பசுபதிபாளையம் சாரதா பெண்கள் பள்ளி, நடையனூர் ரங்கசாமி கவுண்டர் பள்ளி, பி.உடையாபட்டி மாரிஸ்ட் ஆகிய 3 அரசு உதவி பெறும் பள்ளிகள் 100 சதவீத தேர்ச்சி பெற்றுள்ளன.

மாற்றுத்திறனாளிகள்

பார்வையற்றவர்கள் 3 பேர், காது கேளாத, வாய் பேசாத 5 பேர், மாற்றுத்திறனாளிகள் 11 பேர், இதரர் 8 பேர் என மொத்தம் 27 பேர் தேர்வெழுதியதில் பார்வையற்ற 3 பேர், காது கேளாத, வாய் பேசாத 4 பேர், மாற்றுத்திறனாளிகள் 10 பேர், இதரர் 8 பேர் என மொத்தம் 25 பேர் தேர்ச்சி பெற்றனர். காது கேளாத, வாய் பேசாதவர்கள் 80 சதவீதம், மாற்றுத்திறனாளிகள் 90.91 சதவீத தேர்ச்சியும், மற்றவர்கள் 100 சதவீத தேர்ச்சியும் பெற்றுள்ளனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

கரூர் மாவட்டம்பிளஸ் 2 பொதுத்தேர்வுபொதுத்தேர்வு முடிவுகள்கரூர் மாவட்டம்12-வது இடம்12th public examKarur districtONE MINUTE NEWS

Sign up to receive our newsletter in your inbox every day!

You May Like

More From This Category

More From this Author