Published : 02 Jul 2020 16:33 pm

Updated : 02 Jul 2020 16:37 pm

 

Published : 02 Jul 2020 04:33 PM
Last Updated : 02 Jul 2020 04:37 PM

நீட், ஜேஇஇ தேர்வுகளைத் தள்ளிவைக்க மத்திய அரசு பரிசீலனை: தேசியத் தேர்வுகள் முகமையிடம் ஆலோசனை கேட்பு

jee-main-neet-education-ministry-asks-test-agency-for-recommendations-on-holding-exams

புதுடெல்லி

நீட், ஜேஇஇ தேர்வுகளைத் தள்ளிவைக்க மத்திய அரசு பரிசீலனை செய்து வருவதாகத் தகவல் வெளியான நிலையில், மனிதவள மேம்பாட்டு அமைச்சகம் என்டிஏவிடம் ஆலோசனை கேட்டுள்ளது.

நாடு முழுவதும் அரசு மற்றும் தனியார் மருத்துவக் கல்லூரிகளின் எம்பிபிஎஸ், பிடிஎஸ் படிப்புகள் மற்றும் சித்தா, ஆயுர்வேதா, யுனானி, ஹோமியோபதி படிப்புகளுக்கு மாணவர் சேர்க்கைக்கான நீட் தேர்வு கடந்த மே மாதம் 3-ம் தேதி நடைபெற இருந்தது.

கரோனா வைரஸ் பரவல் தடுப்பு நடவடிக்கையாக நாடு முழுவதும் ஊரடங்கு அமல்படுத்தப்பட்டதால், நீட் தேர்வு ஜூலை 26-ம் தேதிக்குத் தள்ளிவைக்கப்பட்டது. இந்தச் சூழலில், கரோனா வைரஸ் தொற்றின் பாதிப்பும், உயிரிழப்பும் நாளுக்கு நாள் அதிகரித்து வருகிறது. அதேபோல ஜேஇஇ மெயின் நுழைவுத் தேர்வு ஜூலை 18-ம் தேதி முதல் 23-ம் தேதி வரை நடைபெற உள்ளது.

சுமார் 15 லட்சம் பேர் நீட் தேர்வுக்கும் 9 லட்சம் மாணவர்கள் ஜேஇஇ மெயின் தேர்வுக்கும் விண்ணப்பித்துள்ளனர். இந்த நேரத்தில் போட்டித் தேர்வுகளை நடத்துவது மிகவும் ஆபத்தானது. அதனால், கரோனா பாதிப்பு குறையும் வரை தேர்வுகளை நடத்தக் கூடாது என்று மத்திய அரசுக்கு மாணவர்கள் கோரிக்கை விடுத்து வருகின்றனர். இது தொடர்பாக ட்விட்டரில் #PostponeneetJee, #NoExamsInCovid, #HealthOverNEETjee உள்ளிட்ட ஹேஷ்டேகுகள் ட்ரெண்டாகின.

இந்நிலையில், மருத்துவம் மற்றும் பொறியியல் நுழைவுத் தேர்வுகளைத் தள்ளிவைப்பது குறித்து மத்திய அரசு பரிசீலித்து வருகிறது. இந்நிலையில், மனிதவள மேம்பாட்டு அமைச்சகம் நீட், ஜேஇஇ தேர்வுகளை நடத்தும் தேசியத் தேர்வுகள் முகமையிடம் (என்டிஏ) தேர்வு குறித்து ஆலோசனை கேட்டுள்ளது.

இது தொடர்பாக மத்திய மனிதவள மேம்பாட்டுத் துறை அமைச்சர் ரமேஷ் பொக்ரியால் கூறும்போது, ''தற்போதைய சூழல் மற்றும் மாணவர்கள், பெற்றோரின் கோரிக்கையைக் கருத்தில் கொண்டு, நீட், ஜேஇஇ தேர்வுகளை நடத்துவது குறித்து என்டிஏ மற்றும் பிற நிபுணர்களிடம் கருத்துக் கேட்கப்பட்டுள்ளது. நாளை அவர்கள் இது தொடர்பான பரிந்துரைகளை மனிதவள மேம்பாட்டு அமைச்சகத்திடம் அளிப்பர்'' என்று தெரிவித்துள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

JEE MainNEETநீட்ஜேஇஇ தேர்வுகள்தேசியத் தேர்வுகள் முகமைDucation MinistryTest Agencyஎன்டிஏகரோனாமாணவர்கள்பொது முடக்கம்

Sign up to receive our newsletter in your inbox every day!

You May Like

More From This Category

More From this Author