எஸ்எஸ்எல்சி செய்முறை தேர்வு இன்றுடன் முடிவடைகிறது

எஸ்எஸ்எல்சி அறிவியல் செய்முறைத் தேர்வு இன்றுடன் (வெள்ளிக்கிழமை) முடிவடைகிறது.

தமிழகத்தில் எஸ்எஸ்எல்சி பொதுத்தேர்வு மார்ச் 27-ம் தொடங்கி ஏப்ரல் 13-ம்தேதி வரை நடைபெற உள்ளது. இத்தேர்வை பள்ளி மாணவ, மாணவிகள், தனித்தேர்வர்கள் என 9 லட்சத்து 50ஆயிரம் பேர் எழுதுகிறார்கள். எஸ்எஸ்எல்சிமாணவர்களுக்கு அறிவியல் செய்முறைத்தேர்வுகள் பிப்ரவரி 26 முதல் 28-ம் தேதிவரை 3 நாட்களில் நடத்தி முடிக்க வேண்டும்என அரசு தேர்வுத்துறை ஏற்கெனவே அறிவித்திருந்தது.

அதற்கேற்ப, அந்தந்த மாவட்ட முதன்மைகல்வி அலுவலர்கள், எந்தெந்த பள்ளிகளில் எப்போது செய்முறைத் தேர்வுநடத்துவது என்பதை ஆலோசித்து காலஅட்டவணை தயாரித்திருந்தனர்.

தனித்தேர்வர்கள்

அதன்படி, 10-ம் வகுப்பு மாணவர்களுக்கான அறிவியல் செய்முறைத் தேர்வு திங்கள்கிழமை தொடங்கியது. மாணவ, மாணவிகள் ஆர்வத்துடன் செய்முறைத் தேர்வில் பங்கேற்றனர்.

பள்ளி மாணவர்கள் மட்டுமின்றி தனித்தேர்வர்களும் தாங்கள் பயிற்சி பெற்ற பள்ளிகளில் நடந்த செய்முறைத்தேர்வில் கலந்துகொண்டனர். செய்முறைத்தேர்வுகள் இன்றுடன் (வெள்ளிக்கிழமை) நிறைவடைகின்றன.