Published : 27 Feb 2020 12:28 pm

Updated : 27 Feb 2020 12:28 pm

 

Published : 27 Feb 2020 12:28 PM
Last Updated : 27 Feb 2020 12:28 PM

34 ஆயிரம் பள்ளிகளில் குடிநீர், கழிப்பறை வசதி இல்லை: ஒடிசாவில் அதிர்ச்சி

over-34-000-schools-in-odisha-lack-toilet-drinking-water-facilities

ஒடிசாவில் உள்ள 34 ஆயிரம் பள்ளிகளில் குடிநீர், கழிப்பறை வசதி இல்லை என்ற அதிர்ச்சித் தகவல் வெளியாகியுள்ளது. இத்தகவலை மாநில அமைச்சர் சட்டப்பேரவையில் தெரிவித்துள்ளார்.

இதுகுறித்து பள்ளிக் கல்வித்துறை அமைச்சர் சமிர் ரஞ்சன் தாஸ் சட்டப்பேரவையில் பேசும்போது, ''ஒடிசாவில் உள்ள 90 பள்ளிகளில் கரும்பலகை வசதி இல்லை. கடந்த ஆண்டு மார்ச் மாதம் வரை 34,394 பள்ளிகளில் குடிநீர், கழிப்பறை வசதி செய்யப்படவில்லை.

அதேபோல 37,645 பள்ளிகளில் விளையாட்டு மைதானங்கள் இல்லை. 2,451 பள்ளிகளில் நூலக வசதியும் 16,368 பள்ளிகளில் சுற்றுச்சுவர் வசதியும் இல்லை.

எனினும் பள்ளிக் கல்வித்துறை நிர்வகிக்கும் 51,434 தொடக்க, நடுநிலை, உயர்நிலைப் பள்ளிகளில் குடிநீர் வசதி செய்யப்பட்டுள்ளது. 2018- 19 ஆம் கல்வியாண்டில் தொடக்கப் பள்ளிகளில் இடைநிற்றல் விகிதம் 5.42 சதவீதமாக உள்ளது. நடுநிலைப் பள்ளியில் இந்த விகிதம் 6.93 சதவீதமாகவும் உயர்நிலைப் பள்ளிகளில் 5.41 சதவீதமாகவும் இருந்தது'' என்று தெரிவித்துள்ளார்.

இதற்கிடையே குடிநீர், கழிப்பறை வசதி இல்லாத பள்ளிகளின் விவரங்களை அமைச்சர் தெரிவிக்கவில்லை. இந்த விவரங்கள் மாநிலம் முழுவதும் அதிர்ச்சியை ஏற்படுத்தியுள்ளன.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

OdishaToiletDrinking Water Facilitiesகுடிநீர்கழிப்பறை வசதி34 ஆயிரம் பள்ளிகள்ஒடிசாவில் அதிர்ச்சிஒடிசாசமிர் ரஞ்சன் தாஸ்

Sign up to receive our newsletter in your inbox every day!

You May Like

More From This Category

More From this Author