Published : 10 Dec 2019 12:55 PM
Last Updated : 10 Dec 2019 12:55 PM
பள்ளிகளுக்கு 43 நாட்கள் குளிர்கால விடுமுறை விடப்படுவதாக ஜம்மு காஷ்மீர் அரசு அறிவித்துள்ளது. இந்த விடுமுறை இன்று முதல் தொடங்குகிறது.
இதன்படி காஷ்மீரில் உள்ள அனைத்து அரசு, தனியார் பள்ளிகளுக்கும் டிசம்பர் 10-ம் தேதி முதல் ஜனவரி 22 வரை விடுமுறை விடப்படுகிறது. ஜம்முவில் உள்ள குளிர் நிறைந்த பகுதிகளுக்கும் இந்த விடுமுறை அளிக்கப்படுகிறது.
1 முதல் 12-ம் வகுப்பு வரையிலான பள்ளி மாணவர்களுக்கு குளிர்கால விடுமுறை பொருந்தும்.
ஜம்மு காஷ்மீர் பகுதிகளில் ஆண்டுதோறும் அதீத குளிர் காரணமாக டிசம்பர் 15 ஆம் தேதி வாக்கில் குளிர்கால விடுமுறை தொடங்கும். லடாக்கின் கார்கில் மாவட்டத்துக்கு குளிர்கால விடுமுறை ஏற்கெனவே டிசம்பர் 2-ம் தேதியில் தொடங்கியது குறிப்பிடத்தக்கது.
குளிர்பிரதேசமான ஜம்மு காஷ்மீரில் மழை மற்றும் பனிப்பொழிவு காரணமாக வெப்பநிலை மிகவும் குறையத் தொடங்கும். இதனால் வருடாவருடம் பள்ளிகளுக்கு விடுமுறை விடப்படுகிறது.
Sign up to receive our newsletter in your inbox every day!
WRITE A COMMENT