பள்ளி மாணவர்களுக்கான திறன் போட்டிகள்

கோவை

கோவையை அடுத்த வட்டமலைப் பாளையத்தில் உள்ள ஸ்ரீ ராம கிருஷ்ணா பாலிடெக்னிக் கல்லூரி சார்பில், கோவை மாவட்ட பள்ளி மாணவர்களுக்கு இடையிலான திறன் போட்டிகள் ('கிரியாஃபெஸ்ட்-2019') நடக்கின்றன. இது குறித்து ஸ்ரீ ராம கிருஷ்ணா பாலிடெக்னிக் முதல்வர் பி.எல்.சிவகுமார் கூறியதாவது:

9, 10-ம் வகுப்பு மாணவர்களின் திறனை வெளிக்கொண்டு வரும் வகையில், 5 வகையான திறன் போட்டிகள் நடத்தப்பட உள்ளன. குடிநீர் பாதுகாப்பு, கல்வியில் செல்போனின் தாக்கம் என்ற தலைப்பில் கட்டுரை போட்டி நடைபெறுகிறது. 5 பக்கங்கள் அளவில் கட்டுரைகள் எழுதி, மாணவர்கள் 12-ம் தேதிக்குள் 'ஒருங்கிணைப்பாளர், கிரியாஃபெஸ்ட்-2019, ஸ்ரீ ராமகிருஷ்ணா பாலிடெக்னிக் கல்லூரி, வட்டமலைப்பாளையம், கோவை' என்ற முகவரிக்கு தபாலில் அனுப்பி வைக்க வேண்டும்.

இயற்கையின் கொடை, சுற்றுச்சூழல் மாசு, மக்கள் மற்றும் போக்குவரத்து அதிகமுள்ள தெரு என்ற தலைப்பில் புகைப்பட போட்டி நடக்கிறது. மாணவர்கள் சிறந்த புகைப்படங்களை creafest@srptc.ac.in என்ற மின்னஞ்சல் முகவரிக்கு 12-ம் தேதிக்குள் அனுப்பி வைக்க வேண்டும்.

போட்டிகளில் கலந்து கொள்ள விரும்புபவர்கள் www.srptc.ac.in/creafest.html என்ற இணையதளத்தில் பதிவு செய்யலாம். கூடுதல் விவரங்களை 97893-50600 என்ற எண்ணில் தொடர்பு கொண்டு அறிந்து கொள்ளலாம். 16-ம் தேதி மாலை நடைபெறும் பரிசளிப்பு விழாவில் எஸ்என் ஆர் குழுமங்களின் தலைமை வணிக அதிகாரி ஸ்வாதி ரோஹித் தலைமை வகிக்கிறார். தேசிய மாணவர் கமாண்டன்ட் எல்சிஎஸ் நாயுடு, லெப்டினன்ட் கர்னல் ஆர்.செந்தில்குமார் ஆகியோர் கலந்துகொள்கிறார்கள் என்றார்.