10-ம் வகுப்பு பொதுத்தேர்வுஅமைச்சர் தகவல்

ஈரோடு மாவட்டம் கோபியை அடுத்த குண்டேரிப்பள்ளத்தில் செய்தியாளர்களிடம் அமைச்சர் செங்கோட்டையன் கூறியதாவது:

தமிழகத்தில் சட்டப்பேரவைத் தேர்தல் நடத்துவது தொடர்பாக அனைத்துக் கட்சிக் கூட்டத்தில் சில முடிவுகள் மேற்கொள்ளப்பட்டுள்ளன. அதற்கேற்ப தேர்தல் குறித்த அறிவிப்பு வெளியாகும்.

சட்டப்பேரவைத் தேர்தலுக்கு முன்பாக 10-ம் வகுப்பு பொதுத்தேர்வு நடத்துவது குறித்து அரசு ஆலோசித்து வருகிறது என்றார்.

மேலும், ‘ஒன்று முதல் 8-ம் வகுப்பு வரையில் நேரடி வகுப்புகள் நடக்காத நிலையில், அந்த வகுப்பு மாணவர்கள் ஆல் பாஸ் செய்யப்படுவார்களா எனக் கேட்டபோது, ‘பொறுத்திருந்து பாருங்கள்’ என்று அமைச்சர் செங்கோட்டையன் பதில் அளித்தார்.