Published : 12 Oct 2021 03:15 AM
Last Updated : 12 Oct 2021 03:15 AM

புதுக்கோட்டையில் - இறந்த காவலரின் குடும்பத்தினருக்கு ரூ.12.51 லட்சம் நிதியுதவி வழங்கல் :

புதுக்கோட்டை கலீப் நகரைச் சேர்ந்தவர் கே.கண்ணன்(51). இலுப்பூர் காவல் நிலையத்தில் தலைமைக் காவலராக பணிபுரிந்த இவர், கடந்த மாதம் சிவபுரம் அருகே ரயில் முன் பாய்ந்து தற்கொலை செய்துகொண்டார்.

இந்நிலையில், இவரது குடும்பத்தினருக்கு காவலர்களைக் கொண்ட ‘சங்கமம்-97’ எனும் குழு சார்பில் சேகரிக்கப்பட்ட நிதி ரூ.10 லட்சத்து 93 ஆயிரம் மற்றும் திருச்சி பிஆர்எஸ் எனும் காவலர்கள் சார்பில் சேகரிக்கப்பட்ட நிதி ரூ.1 லட்சத்து 58 ஆயிரத்து 501 என மொத்தம் ரூ.12,51,501-ஐ பிரித்து அவரது மனைவி, மகள் மற்றும் மகனுக்கு காப்பீடு பத்திரம் மற்றும் காசோலையாக நேற்று வழங்கப்பட்டது. இதை, மாவட்ட காவல் கண்காணிப்பாளர் நிஷா பார்த்திபன் வழங்கினார்.

Sign up to receive our newsletter in your inbox every day!

 
x