8 மாவட்டங்களில் மழை பெய்ய வாய்ப்பு :

கோவை, நீலகிரி உள்ளிட்ட 8 மாவட்டங்களில் இன்று மழை பெய்ய வாய்ப்புள்ளது.

இதுதொடர்பாக சென்னை வானிலை ஆய்வு மைய இயக்குநர் நா.புவியரசன் நேற்று செய்தியாளர்களிடம் கூறியதாவது:

தென்மேற்கு பருவக் காற்று காரணமாக 18-ம் தேதி மேற்கு தொடர்ச்சி மலையை ஒட்டிய நீலகிரி, கோவை, திருப்பூர், திண்டுக்கல், தேனி, தென்காசி மாவட்டங்கள் மற்றும் கன்னியாகுமரி, திருநெல்வேலி மாவட்டங்களில் ஓரிரு இடங் களில் மிதமான மழை பெய்யக் கூடும். வெப்பச்சலனம் காரணமாக 19, 20-ம் தேதிகளில் கடலோர மாவட்டங்கள், அதை ஒட்டிய உள் மாவட்டங்கள் மற்றும் நீலகிரி, கோயம்புத்தூர், தேனி, சென்னை, புதுச்சேரி பகுதிகளில் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக் கூடும்.

17-ம் தேதி காலை 8.30 மணியுடன் நிறைவடைந்த 24 மணி நேரத்தில் நீலகிரி மாவட்டம் அவலாஞ்சியில் 21 செமீ, மேல்பவானியில் 12 செமீ, மழை பதிவாகியுள்ளன.

இவ்வாறு அவர் கூறினார்.