பல்லடம் அருகே டேங்கர் லாரி மோதி விபத்துக்குள்ளானதில், அரசுப் பேருந்து பயணச்சீட்டு பரிசோதகர் உயிரிழந்தார்.
கோவை மாவட்டம் சிங்காநல்லூரை சேர்ந்தவர் பிரகாசம் (55). இவர், திருப்பூர் அரசுப் போக்குவரத்துக் கழகத்தில் பயணச்சீட்டு பரிசோதகராக பணிபுரிந்து வந்தார். இந்நிலையில், பல்லடம் - கோவை நோக்கி நேற்று மதியம் இருசக்கர வாகனத்தில் சென்று கொண்டிருந்தபோது, பெரும்பாளி அருகே டேங்கர் லாரி மோதியதில் பலத்த காயமடைந்தார். இதில், சம்பவ இடத்திலேயே அவர் உயிரிழந்தார். இதுதொடர்பாக பல்லடம் போலீஸார் வழக்கு பதிந்து விசாரிக்கின்றனர்.