கோவில்பட்டி அருகே கோயிலில் திருட்டு :

கோவில்பட்டி அருகே வடக்கு திட்டங்குளம் கிராமத்தில் கண்ணூர் அம்மன், காளியம்மன் கோயில் உள்ளது. இங்கு பாலசங்கர் பூசாரியாக உள்ளார். நேற்று செவ்வாய்க்கிழமை என்பதால் காலையில் பூஜைகள் செய்ய கோயிலுக்குச் சென்றார். அங்கு கோயிலின் வெளிப்பக்க கதவின் பூட்டுகள் உடைக்கப்பட்டிருந்தன. உள்ளே 2 பித்தளை குட உண்டியல்கள், மற்றொரு உண்டியல் மற்றும் அம்மனுக்கு அணிவிக்கப்பட்டிருந்த 10 கிராம் தங்க நகை, வெள்ளி, பித்தளை கிரீடம் ஆகியவற்றை காணவில்லை. கோவில்பட்டி கிழக்கு காவல் ஆய்வாளர் சுஜித் ஆனந்த் தலைமையிலான போலீஸார் சம்பவ இடத்தில் விசாரணை நடத்தினர்.