நெல்லை- திருச்செந்தூருக்கு விரைவு சிறப்பு ரயில் : நாளை முதல் இயக்கம்

தெற்கு ரயில்வே மதுரை கோட்டம் வெளியிட்ட செய்திக் குறிப்பு:

மதுரை ரயில்வே கோட்டத்தில் குறிப்பிட்ட இடங்களுக்கு விரைவு சிறப்பு ரயில்கள் நாளை (10-ம் தேதி முதல்) இயக்கப்படவுள்ளது. இந்த ரயில்கள் அந்தந்த பகுதிகளில் உள்ள அனைத்து ரயில் நிலையங்களிலும் நின்று செல்லும்.

திருநெல்வேலி- தூத்துக்குடி விரைவு சிறப்பு ரயில் (எண் 06668) திருநெல்வேலியிலிருந்து காலை 7.35 மணிக்கு புறப்பட்டு காலை 9.25 மணிக்கு தூத்துக்குடி சென்று சேரும். மறுமார்க்கத்தில் (எண் 06667) தூத்துக்குடி - திருநெல்வேலி சிறப்பு விரைவு ரயில் தூத்துக்குடியிலிருந்து மாலை 6 மணிக்கு புறப்பட்டு இரவு 8.15 மணிக்கு திருநெல்வேலி சென்று சேரும்.

திருநெல்வேலி- செங்கோட்டை சிறப்பு விரைவு ரயில் (எண் 06685) திருநெல்வேலியிலிருந்து காலை 7 மணிக்கு புறப்பட்டு காலை 9.15 மணிக்கு செங்கோட்டை சென்று சேரும். மறுமார்க்கத்தில் (எண் 06686) செங்கோட்டை - திருநெல்வேலி சிறப்பு விரைவு ரயில் செங்கோட்டையிலிருந்து மாலை 5.50 மணிக்கு புறப்பட்டு இரவு 8.10 மணிக்கு திருநெல்வேலி வந்து சேரும்.

திருநெல்வேலி - திருச்செந்தூர் சிறப்பு விரைவு ரயில் ( எண் 06673) திருநெல்வேலியிலிருந்து காலை 7.20 மணிக்கு புறப்பட்டு, காலை 9.05 மணிக்கு திருச்செந்தூர் சென்று சேரும். மறுமார்க்கத்தில் ( எண் 06678) திருச்செந்தூர் - திருநெல்வேலி விரைவு சிறப்பு ரயில் திருச்செந்தூரிலிருந்து மாலை 6.05 மணிக்கு புறப்பட்டு இரவு 7.40 மணிக்கு திருநெல்வேலி வந்து சேரும் என்று தெரிவிக்கப்பட்டுள்ளது.