பசும்பொன் தேவர் ஜெயந்தியையொட்டி, ராஜபாளையம் ஆண்டத்தம்மன் கோயில் தெருவில் உள்ள தேவர் சிலைக்கு தென்காசி எம்.பி தனுஷ் குமார், தங்கப்பாண்டியன் எம்.எல்.ஏ. ஆகியோர் மாலை அணிவித்தனர். பின்னர் ‘தெய்வம் தந்த தேச பக்தர்’ என்ற நூல் வெளியிட்டு விழா நடைபெற்றது. திமுக நகர் நிர்வாகிகள் ராம மூர்த்தி, மணிகண்டராஜா உள்ளிட்டோர் கலந்து கொண்டனர்.
சேத்தூரில் உள்ள தேவர் சிலைக்கு இந்திய கம்யூனிஸ்ட் மாவட்டச் செயலாளர் லிங்கம் தலைமையில் மாலை அணிவித்தனர். அக்கட்சி ஒன்றியச் செயலாளர் வீராச்சாமி, நகரச் செயலாளர் ராஜா கலந்து கொண்டனர்.
ராஜபாளையத்தில் மாப்பிள்ளை விநாயகர் நற்பணி மன்றத் தலைவர் ராமராஜ் மற்றும் நிர்வாகிகள், தேவர் சிலைக்கு மாலை அணிவித்தனர். இதே போன்று, மாவட்டத்தின் பல்வேறு பகுதி களிலும் பல்வேறு கட்சியினர் மற்றும் அமைப்பினர் முத்துராமலிங்கத் தேவர் சிலைக்கு மாலை அணிவித்து மரியாதை செலுத்தினர்.